આશા અમર છે / યુક્રેનમાં બોમ્બ બ્લાસ્ટ અને ગોળીબાર વચ્ચે જન્મ્યું આશાનું કિરણ, મહિલાએ આપ્યો બાળકીને જન્મ

• યુક્રેનમાં થઈ રહ્યા છે ધમાકા
• બોંબ બ્લાસ્ટની વચ્ચે આશાનું કિરણ જન્મ્યું
• લોકોને ફરીથી એક નવી આશા જાગી

યુક્રેન પર રશિયાના હુમલા બાદ દેશના લોકો તણાવપૂર્ણ સ્થિતિમાં છે. રશિયાની તોપ સતત બ્લાસ્ટ કરી રહી છે. જેનાથી યુક્રેનની રાજધાની કીવમાં ચારેતરફ તબાહી છે. ઘણા બધાં લોકો પોતાનો જીવ બચાવવા માટે બંકરમાં છુપાઈ રહ્યા છે, તો વળી આ ભયાનક સંકટની વચ્ચે પણ યુક્રેની પરિવારમાં ખુશીઓ ગુંજી ઉઠી છે. હકીકતમાં જોઈએ તો, જ્યારે લડાઈ શરૂ થવાની હતી, ત્યારે એક મહિલાને ડિલીવરીનો અંતિમ મહિનો ચાલી રહ્યો હતો. યુદ્ધ દરમિયાન 23 વર્ષિય મહિલાએ શેલ્ટરમાં આશ્રય લીધો હતો. પણ થોડા સમયમાં જ પ્રસવ પીડા અનુભવાઈ. તેની વેદનાની બૂમો સાંભળી પોલીસ મદદે દોડી આવી.

રશિયાઈ તોપના ધમાકા વચ્ચે જન્મી ઉમ્મીદ

ચારેતરફ ગોળીબાર અને વિસ્ફોટના અવાજો વચ્ચે મહિલાએ એક બાળકીને જન્મ આપ્યો. જેનું નામ મિયા રાખવામાં આવ્યું છે. સોશિયલ મીડિયા પર આ બાળકીનો ફોટો ખૂબ વાયરલ થઈ રહ્યો છે. જેનાથી લોકોને એક આશાનું કિરણ દેખાયું છે. લોકોએ કહ્યું છે કે, આશા હજૂ અમર છે. 

પોલીસકર્મીઓએ કરી મદદ

કારણ કે, બહાર તોપ અને બોમ્બ બ્લાસ્ટ થઈ રહ્યા હતા, એટલા માટે આ મહિલાને હોસ્પિટલમાં લઈ જવુ અશક્ય હતું. તેથી કોઈ પણ રીતે શેલ્ટરમાં આ મહિલાની ડિલીવરી કરવામાં આવી. એક અધિકારી માયકોલા શ્લાપકે કહ્યું કે, તેમણે રાતના 8.30 કલાકે બાળકી મિયાને જન્મ આપવામા મદદ કરી. થોડા સમય બાદ એક એમ્બ્યુલન્સ બોલાવામાં આવી. જે બંનેને હોસ્પિટલમાં લઈ ગઈ. કહેવાય છે કે, હાલમાં માત અને દિકરી બંને સ્વસ્થ છે.

કદાચ હવે જંગ થંભી જાય

ડિલીવરીના આ સમાચારને ડેમોક્રેસીની ચેરવૂમન ઈન એક્શન કોન્ફ્રેંસ હન્ના હોપકોએ શેર કરી છે. તેમણે કહ્યું કે, મિયાનો જન્મ આજે રાતે તણાવપૂર્ણ સ્થિતિ- કીવમાં બોમ્બ ધમાકા વચ્ચે થયો હતો. આ પડકારરૂપ જન્મ આપ્યા બાદ માતા પણ ખુશ છે. આ મુશ્કેલીના સમયમાં બાળકીના જન્મને લોકો આશાના કિરણ સાથે જોડી રહ્યા છે. તેમનું માનવું છે કે, કદાચ મિયાના નસીબથી જંગ રોકાઈ જશે. આ કપરાં સમયમાં આ બાળકીનો જન્મ પર કેટલાય લોકોને દિલ જીતી લેનારી પ્રતિક્રિયાઓ આપી છે.