વેચાણ / Renault ની આ કારને ન નડી મંદી, 2 મહિનામાં જ 10,000થી વધુ વેચાઈ

• અફોર્ડેબલ કિંમત હોવાથી લોકોમાં લોકપ્રિય
• 2 જ મહિનામાં 10,000થી વધુ વેચાઈ
• 4.95 લાખ કિંમતથી શરૂ

મળેલી માહિતી પ્રમાણે મુંબઈની ડીલરશિપ બેન્ચમાર્ક મોટર્સે ગ્રાહકોને દસ હજાર રેનો ટ્રાઈબર વેચી નાખી છે. આ સાથે જ ફ્રેન્ચ ઓટોમેકર કંપની રેનો ઈન્ડિયાનું ઓક્ટોબર 2019માં કુલ વેચાણ વર્ષ 2018ની સરખામણીએ 63 ટકા વધ્યું છે. ગયા મહિને કંપનીએ ભારતમાં 11,516 યૂનિટ ટ્રાઈબર વેચી હતી.
 
લગેજ રાખવા કારનો બેક સ્પેસ યુઝ કરી શકાય છે

રેનોએ આ નવા મલ્ટીપર્પસ વ્હીકલમાં રિયર પાર્કિંગ સેન્સર્સ, સ્પીડ લિમિટ એલર્ટ, બધી જ સીટ્સ માટે થ્રી પોઈન્ટ સીટબેલ્ટ અને રિવર્સ કેમરા પણ છે., તેમાં 625 લીટરની બૂટ ક્ષમતા છે. ટ્રાઈબરમાં ત્રીજી સીટવાળી લાઈનને સરળતાથી અલગ કરી શકાય છે અને ત્યાં સામાન રાખી શકાય છે.   

આ કાર 7 સીટર છે. પરંતુ જો પાંચ લોકો જઈ રહ્યાં છે તો લગેજ રાખવાની ક્ષમતા વધી જાય છે. તેના આગળના ભાગમાં ડિજિટલ ઈન્સ્ટ્રૂમેન્ટ કન્સોલ આપવામાં આવ્યું છે. સાથે જ સ્ટાર્ટ/સ્ટોપ બટન, કીલેસ એન્ટ્રીની સાથે જ ઑટોલોક ફંક્શન પણ આપવામાં આવ્યું છે. તેમાં 1.0 લીટરના ડ્યુઅલ વીવીટી સિસ્ટમવાળા 3 સિલેન્ડર પેટ્રોલ એન્જિન આપવામાં આવ્યા છે. જે 6250 આરપીએમ પર 71 બીએચપી પાવર અને 3500 આરપીએમ પર 96 એનએમ પીક ટૉર્ક જનરેટ કરવાની ક્ષમતા રાખે છે. 

સુવિધાઓથી સજ્જ છે આ કાર

કારનું એન્જિન પાંચ-સ્પીડ મેન્યુઅલ અને એએમટી ગિયરબોક્સ સાથે ઉપલબ્ધ છે. તેના ટોપ મોડલ સાથે 15 ઈંચનું એલૉય વ્હીલ અને બાકી મોડલ્સની સાથે 14 ઈંચનું વ્હીલ આપવામાં આવ્યું છે. ટ્રાઈબરવના ડેશબોર્ડ પર આઠ ઈંચનું ટચસ્ક્રીન ઈન્ફોટેનમેન્ટ સિસ્ટમ છે. જે એપ્પલ કારપ્લે, એન્ડ્રોઈડ ઑટો, નેવિગેશન, USB અને બ્લૂટૂથ કનેક્ટિવિટી અને એચબીએસી યૂનિટની સાથે છે. હવે સૌથી મહત્વપૂર્ણ વાત આ ગાડીની કિંમતની છે. તો 4.95 લાખથી ગાડીની કિંમત શરૂ થાય છે. જે અલગ-અલગ વેરિયન્ટ માટે 6.30 લાખ રૂપિયા સુધી છે. જોકે આ કિંમતમાં રજિસ્ટ્રેશન, વીમો વગેરે જેવા ખર્ચ સામેલ નથી.