ચૂંટણી સમિક્ષા / ગમે તે થાય યુપી ચૂંટણી તો જીતવી જ છે, પહેલી વાર અમિત શાહ 12 નવેમ્બરે કરશે મોટું કામ

• 12 નવેમ્બરે કેન્દ્રીય ગૃહ પ્રધાન અમિત શાહ વારાણસી જશે
• 700 ભાજપના નેતાઓને ચૂંટણીના પાઠ ભણાવશે
• યુપી ભાજપના તમામ નેતાઓએ હાજર રહેવાનો આદેશ 

યુપી વિધાનસભાની 2022 ની ચૂંટણી જીતવા ભાજપે મહા તૈયારી શરુ કરી દીધી છે. 12 નવેમ્બરે ગૃહમંત્રી અમિત શાહ યુપી જવાના છે. 
અમિત શાહ 12 નવેમ્બરે એક મોટું કામ કરવાના છે. અમિત શાહે પ્રધાનમંત્રી મોદીના સંસદીય મતવિસ્તાર વારાણસીમાં ભાજપના 700 નેતાઓને ચૂંટણીના પાઠ ભણાવશે તથા વિધાનસભા ચૂંટણી 2022ની તૈયારીઓની પણ સમીક્ષા કરશે. 

યુપી ભાજપના તમામ નેતાઓને બોલાવાયા 
આ બેઠક માટે પાર્ટીના તમામ 98 જિલ્લા પ્રમુખો અને જિલ્લા પ્રભારીઓ, તમામ 403 વિધાનસભા બેઠકોના પ્રભારીઓ, યુપીમાં પાર્ટીના છ પ્રદેશ પ્રમુખો, તમામ રાજ્ય ભાજપના વરિષ્ઠ પદાધિકારીઓ તેમજ પ્રભારીઓ અને સહ. -પ્રભારીઓને વારાણસી બોલાવવામાં આવ્યા છે.

સીએમ યોગી સહિતના વરિષ્ઠ નેતાઓ હાજર રહેશે 
ઉત્તર પ્રદેશ બીજેપીના ઉપાધ્યક્ષ વિજય બહાદુર પાઠકે કહ્યું પાર્ટીના વિવિધ રાજ્ય સ્તરના નેતાઓ આ મેગા મીટિંગ માટે 12 નવેમ્બરે વારાણસીમાં હાજર રહેશે. ઉત્તર પ્રદેશના મુખ્યમંત્રી યોગી આદિત્યનાથ, પ્રદેશ પાર્ટી અધ્યક્ષ સ્વતંત્ર દેવ સિંહ, બંને નાયબ મુખ્યમંત્રીઓ અને રાજ્યના પ્રભારી ધર્મેન્દ્ર પ્રધાનની આખી ટીમ પણ વારાણસી પહોંચશે. શાહ 12 નવેમ્બરે વારાણસી પહોંચ્યા પછી આ બેઠક લગભગ આખો દિવસ ચાલવાની ધારણા છે.