વેસ્ટર્ન ડિસ્ટર્બન્સની અસરને પગલે ઉત્તર ગુજરાતમાં કમોસમી વરસાદની આગાહી કરવામાં આવી રહી છે.
ઉત્તર ગુજરાતમાં થઈ શકે છે માવઠું
વેસ્ટર્ન ડિસ્ટર્બન્સની વર્તાઈ શકે છે અસર
આવતીકાલથી વધી શકે છે ઠંડીનું જોર
વેસ્ટર્ન ડિસ્ટર્બન્સની અસરને પગલે ઉત્તર ગુજરાતમાં કમોસમી વરસાદની આગાહી કરવામાં આવી રહી છે. હવામાન વિભાગ દ્વારા જણાવાયું છે કે આવતી કાલથી રાજ્યમાં ઠંડીનો ચમકારો વધી શકે છે. કેટલાક દિવસોથી રાજ્યમાં ઠંડીનું ઓછું પ્રમાણ જોવા મળી રહ્યું છે ત્યારે હવે ફરી ઠંડીનો પારો નીચે જઈ શકે છે તેવી હવામાન વિભાગે આગાહી કરી છે.
રાજ્યમાં લઘુતમ તાપમાન 2થી 4 ડિગ્રી નોંધાઈ શકે
વેસ્ટર્ન ડિસ્ટર્બન્સની કારણે રાજ્યમાં ઠંડીનું પ્રમાણ વધવાથી ફરી ઠંડીનું મોજું ફરી શકે, એટલું જ નહીં હવામાન વિભઆગે આગામી સમયમાં કમોસમી વરસાદની પણ આગાહી કરી છે. રાજ્યમાં લઘુતમ તાપમાન 2થી 4 ડિગ્રી નોંધાઈ શકે છે જ્યારે કેટલાક વિસ્તારોમાં કમોસમી વરસાદ પડી શકે છે તેવું હવામાન વિભાગે જણાવ્યું છે.
વેસ્ટર્ન ડિસ્ટર્બન્સની વર્તાઈ શકે છે અસર
હવામાન નિષ્ણાંત અને આગાહીકારોના મતે ફરી ડિસેમ્બર મહિનામાં માવઠાની આગાહી કરવામાં આવી છે. બંગાળના ઉપસાગરમાં હવાના હળવા દબાણના લીધે દક્ષિણ ગુજરાત અને સૌરાષ્ટ્રના કેટલાક ભાગોમાં માવઠું થવાની સંભાવના જાણકારો દ્વારા વ્યક્ત કરવામાં આવી છે. ડિસેમ્બર મહિનાના અંત સુધીમાં કેટલાક ભાગોમાં ઘણા ભાગોમાં વરસાદી વાતાવરણ જોવા મળી શકે છે.
આવતીકાલથી વધી શકે છે ઠંડીનું જોર
રાજ્યમાં ભર શિયાળે માવઠાની આગાહીથી ખેડૂતોની ચિંતામાં વધારો થયો છે. કચ્છ, સાબરકાંઠા, પાટણ, મહેસાણા, અરવલ્લી, બનાસકાંઠા અને જૂનાગઢ સહિતના જિલ્લાઓમાં ભરશિયાળે કમોસમી વરસાદથી ચિંતા વધી છે. અચાનાક વાતાવરણમાં પલટો આવતા ખેડૂતોની ચિંતા વધી છે. તો માવઠાથી ખેતરમાં તૈયાર થયેલ પાક નિષ્ફળ જવાનો ભય છે. એક તરફ ચોમાસું પાક તૈયાર થઈને ખેતરમાં પડ્યો છે. તો બીજી તરફ શિયાળુ પાકનું વાવેતર ચાલુ છે. ત્યારે માવઠાથી ખેડૂતો મુસીબત વધી ગઈ છે.