શિયાળો શરુ થાય અને દરેક વ્યક્તિને સૌથી પહેલી જેની જરુર જણાય તે છે કોલ્ડ ક્રીમ. જોકે કોલ્ડ ક્રીમ દરેક વ્યક્તિની સ્કીનને સેટ થતુ નથી. બજારમાં વિવિધ પ્રકારના ક્રીમ, લોશન અને જેલ મળે ત્યારે 100 ટકા કન્ફ્યુઝન થાય. દરેક વ્યક્તિને પોતાની સ્કીન અને તેના પ્રકાર અંગે જાણકારી હોવી જોઇએ.
તમારે જેલ વાપરવી, ક્રીમ વાપરવુ કે લોશન વાપરવું તે પણ તમારી સ્કીન ટાઇપના આધારે નક્કી થાય છે. તો આપણે જાણીએ કે આ જેલ શું છે, ક્રીમ શું છે અને લોશન શું છે. તેમા શું તફાવત હોય છે.
જેલ એટલે શું?
જેલ જેલી જેવી હોય છે ક્યારેક તે પારદર્શક પણ હોઇ શકે. તે સૉલિડ અને લિક્વિડ બન્નેમાં હોય છે. તેમાં પાણીનો ભાગ વધુ હોય છે અને લગાવતાંની સાથે જ સ્કિનમાં શોષાઈ જાય છે.
ક્રીમ એટલે શું?
ક્રીમ પણ મોટા ભાગે પાણીનો ભાગ હોય છે, પણ એમાં થોડો ઘણો ઑઇલનો ભાગ હોય છે. ક્રીમ થોડાં ઘટ્ટ હોય છે. સ્કીનમાં શોષાવામાં જેલ કરતાં થોડો વધુ સમય લે છે.
લોશન એટલે શું?
લોશનમાં ઑઇલનો ભાગ પાંચથી ૨૫ ટકા જેવો હોય છે. સ્કીનમાં આસાનીથી શોષાઈ જાય છે પણ ક્રીમ જેટલું ઑઇલી નથી હોતું, ખૂબ હળવું હોય છે. લોશનમાં અલગ-અલગ ઑઇલ્સ હોઈ શકે છે.
જેલ અને ક્રીમમાં શું ફરક હોય છે?
જેલ પારદર્શક છે, જ્યારે ક્રીમ પારદર્શક હોતુ નથી. જેલ મોટા ભાગે કલર વગરની હોય છે. ક્રીમ કરતાં જેલ જલદીથી સ્કિનમાં ભળી જાય છે. જેલમાં ઑઇલ નથી હોતું, જ્યારે ક્રીમમાં ઑઇલ્સ હોય છે.
કઇ સ્કીન પર શું લગાવવું જોઇએ
ઑઇલી સ્કીન
તમારી સ્કીનમાં પહેલેથી જ કુદરતી તેલ વધુ હોય છે અને એના પર જો ઑઇલ બેઝડ કે ચીકણી વસ્તુ વધુ લગાવવામાં આવશે તો સ્કિન વધુ ચીકણી બનશે, જેના લીધે પિમ્પલ થશે અને સ્કીન વધુ શાઇની કે ઑઇલી બની જશે એટલે ઑઇલી સ્કીનવાળા લોકોએ જેલ કે લોશનનો ઉપયોગ કરવો જોઈએ. સ્કિનને મૉઇશ્ચર પણ મળશે અને સ્કીન વધુ ઑઇલી નહીં લાગે.
ડ્રાય ત્વચા
આ પ્રકારની સ્કિનને મૉઇશ્ચરની જરૂર વધુ હોય છે. એના પર લોશન કે જેલનું મૉઇશ્ચર ઓછું પડશે. ડ્રાય સ્કિનને ઑઇલની વધુ જરૂર પડે છે, જે લોશન કે જેલમાંથી પૂરતું મળતું નથી. ડ્રાય સ્કીન પર ક્રીમ લગાવવું જોઈએ અને શિયાળામાં જ્યારે સૂકી હવા હોય ત્યારે દિવસમાં બેથી ત્રણ વાર તમે ફેસ અને બૉડી પર ક્રીમ કે કોલ્ડ ક્રીમ લગાવી શકો.
કૉમ્બિનેશન ત્વચા
આ પ્રકારની સ્કીનવાળા લોકોને ફેસ પર કપાળ, નાક કે દાઢી પર મોટા ભાગે ઑઇલ હોય અને બાકીના ભાગે નૉર્મલ સ્કિન હોય છે. આ લોકો જેલ કે લોશન લગાવી શકે છે.