નિવેદન / BIG NEWS : શું ગુજરાતનાં આ નેતાને દિલ્હીના LG બનાવાશે? કેજરીવાલના ટ્વિટથી રાજકીય ગરમાવો

• દિલ્હીના સીએમ અરવિંદ કેજરીવાલનું ટ્વિટ
• કહ્યું શું હવે પ્રફુલ્લ પટેલને દિલ્હીના એલજી બનાવાશે
• પ્રફુલ્લ પટેલ હાલમાં લક્ષ્યદીપના પ્રશાસક છે 
• કેજરીવાલના ટ્વિટ બાદ રાજકીય ગરમાવો

દિલ્હીના હાલના ઉપરાજ્યપાલ અનીલ બૈજલનો કાર્યકાળ પૂરો થયો છે અને હવે દિલ્હીના નવા ઉપરાજ્યપાલના નામની ચર્ચા શરુ છે. દિલ્હી કેન્દ્ર સરકારને અધીન હોવાથી તેના ઉપરાજ્યપાલની નિમણૂક કેન્દ્ર દ્વારા થતી હોય. અનીલ બૈજલનો કાર્યકાળ પૂરો થયો હોવાથી હવે તેમને સ્થાને કોને દિલ્હીના ઉપરાજ્યપાલ બનાવવા તે અંગેને લઈને ચર્ચા ચાલી રહી છે અને દિલ્હીના સીએમ અરવિંદ કેજરીવાલે હવે આ હવાને વેગ આપ્યો છે.

Is Mr Praful Patel, Administrator of Lakshdweep, being made the next LG of Delhi?

— Arvind Kejriwal (@ArvindKejriwal) March 12, 2022

શું હવે લક્ષ્યદીપના પ્રશાસક પ્રફુલ્લ પટેલને દિલ્હીના ઉપરાજ્યપાલ બનાવાશે 

સીએમ કેજરીવાલે ટ્વિટ કરીને જણાવ્યું કે શું હવે લક્ષ્યદીપના પ્રશાસક પ્રફુલ્લ પટેલને દિલ્હીના ઉપરાજ્યપાલ બનાવાશે. કેજરીવાલના આ ટ્વિટ બાદ રાજકીય ગરમાવો વધ્યો છે. ઉલ્લેખનીય છે કે હાલમાં લક્ષ્યદીપના પ્રશાસક રહેલા ભાજપ નેતા પ્રફુલ્લ પટેલ ભૂતકાળમાં ઘણી વાર વિવાદમાં સપડાયા હતા. દાદરા નગર હવેલીના સાંસદ મોહન ડેલકરે આપઘાત કેસમાં પણ તેમનું નામ ઉછળ્યું હતું. વિપક્ષોએ તેમને હટાવવાની પણ માગ કરી હતી.

દિલ્હીના હાલના ઉપરાજ્યપાલ અનીલ બૈજલનો કાર્યકાળ પૂરો
દિલ્હીના હાલના  ઉપરાજ્યપાલ અનીલ બૈજલનો કાર્યકાળ પૂરો છે. કેન્દ્ર સરકાર પ્રફુલ્લ પટેલને લક્ષ્યદીપના પ્રશાસક બનાવે તેવી સંભાવના છે. 

દિલ્હીના સીએમ અને ઉપરાજ્યપાલ વચ્ચેે વિવાદનો જૂનો નાતો

ઉલ્લેખનીય છે કે દિલ્હીના સીએમ અરવિંદ કેજરીવાલ અને દિલ્હીના ઉપરાજ્યપાલ અનીલ બૈજલ વચ્ચે વિવાદનો ખૂબ નાતો રહ્યો છે. ભૂતકાળમાં દિલ્હી સરકાર દ્વારા લેવામાં આવેલા ઘણા નિર્ણયો ઉપરાજ્યપાલ દ્વારા રદ કરવામાં આવ્યાં હતા જેને લઈને બન્ને વચ્ચે ખૂબ ચકમક ઝરી હતી. 

પ્રફૂલ્લ પટેલ હાલમાં લક્ષ્યદીપના પ્રશાસક

પ્રફુલ્લ પટેલ ભાજપના નેતા છે અને તેઓ હાલમાં કેન્દ્રશાસિત પ્રદેશ દાદરા નગર હવેલી, દીવ અને આંદોમાન તથા નિકોબારના પ્રશાસક છે.