ક્રિકેટ / શું ક્રિકેટ બાદ રાજકારણમાં તરખાટ મચાવશે ધોની! દિગ્ગજ બિઝનેસમેને કરી અપીલ, કહ્યું તમે ભવિષ્યના નેતા

• ધોની IPLમાં 5 વખત ટાઈટલ જીતનાર કેપ્ટન બન્યા
• આ સિઝનમાં ધોનીને બેટિંગમાં વધુ કમાલ બતાવવાનો મોકો નથી મળ્યો
• બિઝનેસમેન આનંદ મહિન્દ્રા પણ ધોનીની સ્ટાઈલથી પ્રભાવિત થયા

ચેન્નાઈ સુપર કિંગ્સનો કેપ્ટન એમએસ ધોની ભલે ગુજરાત સામે રમાયેલી ફાઈનલ મેચમાં ખાતું ખોલાવ્યા વિના જ આઉટ થઈ ગયા પણ તે IPLમાં 5 વખત ટાઈટલ જીતનાર કેપ્ટન બન્યા છે.તેણે IPLના ઈતિહાસમાં રોહિત શર્માની બરાબરી કરી લીધી છે. આ સિઝનમાં ધોનીને બેટિંગમાં વધુ કમાલ બતાવવાનો મોકો નથી મળ્યો પણ તેણે પોતાના પ્રભાવશાળી નેતૃત્વ અને વિકેટકીપિંગ દ્વારા ટીમને ખિતાબ અપાવ્યો. 

Like most people, I was pleased to hear that #MSDhoni might stay on for another year in the #IPL. But I would not hope for longer, since I believe he needs to consider rhe political arena. I worked with him on the NCC review panel chaired by @PandaJay & saw that his intellectual… https://t.co/4uuhWIGFAt

— anand mahindra (@anandmahindra) May 30, 2023

એ વાત તો આપણે બધાએ જોઈજ હશે કે આખી સિઝનમાં ધોની જ્યાં પણ રમવા ગયો ત્યાં મેદાનમાં તેનું નામ ગુંજતું રહ્યું. એવામાં બિઝનેસમેન આનંદ મહિન્દ્રા પણ તેમની સ્ટાઈલથી પ્રભાવિત થયા વગર ન રહી શક્યા. આનંદ મહિન્દ્રાએ ટ્વીટ કર્યું, “મોટા ભાગના લોકોની જેમ મને પણ એ સાંભળીને આનંદ થયો કે મહેન્દ્ર સિંહ ધોની વધુ એક વર્ષ IPLમાં રહી શકે છે. પરંતુ હું વધુ સમય માટે આશા રાખીશ નહીં, કારણ કે મને લાગે છે કે તેમને રાજકીય ક્ષેત્રે જોવાની જરૂર છે.' 
 
તેણે કહ્યું કે મેં તેની સાથે જય પાંડાની અધ્યક્ષતાવાળી એનસીસી સમીક્ષા પેનલમાં કામ કર્યું છે અને જોયું કે તેમની બૌદ્ધિક ચપળતા રમતના મેદાન પરની તેમની ચપળતા સાથે મેળ ખાતી હતી. તેઓ સહયોગી, નમ્ર અને નવીન ઇનપુટ્સ બનાવવા માટે ઘણા આગળ હતા. તે સ્પષ્ટ ભાવિ નેતા છે.

આનંદ મહિન્દ્રાએ ધોનીને રાજકારણમાં જોડાવવાને લઈને વિચારવાની સલાહ આપી, તમને શું માનો છો? ધોનીએ પોલિટીક્સમાં જોડાવવું જોઈએ? #AnandMahindra #msdhoni #mahendrasinghdhoni #vtvpoll #vtvgujarat

— VTV Gujarati News and Beyond (@VtvGujarati) May 30, 2023

નિવૃત્તિ પર ધોનીએ શું કહ્યું? 
ફાઇનલમાં ગુજરાત ટાઇટન્સ સામે 5 વિકેટથી મળેલી જીત બાદ જ્યારે ધોનીને પૂછવામાં આવ્યું કે શું આ તેની છેલ્લી સિઝન છે તો ધોનીએ કહ્યું, "જો તમે તક જોશો તો નિવૃત્તિની જાહેરાત કરવાનો આ શ્રેષ્ઠ સમય છે. બધાનો આભાર માનીને નિવૃત્તિ લેવી મારા માટે સરળ છે પણ આઠ મહિના સુધી સખત મહેનત કરવી અને વધુ એક IPL સિઝન રમવી એ મુશ્કેલ કામ છે. એ માટે શરીર મજબૂત રાખવું પડે છે અને CSKના ચાહકો તરફથી મને જેટલો પ્રેમ મળ્યો છે તે તેમના માટે વધુ એક સિઝન રમવાની ભેટ હશે."

"તેઓએ જે રીતે તેમનો પ્રેમ અને લાગણી દર્શાવી છે, તે કંઈક છે જે મારે તેમના માટે કરવું જોઈએ. આ મારી કારકિર્દીનો છેલ્લો ભાગ છે. તે અહીંથી શરૂ થયો હતો અને અહીં દરેક લોકો મારું નામ મોટેથી લઈ રહ્યા હતા. ચેન્નાઈમાં પણ એવું જ થાય છે. પણ પાછા આવવું અને શક્ય તેટલું સારું રમવું સારું રહેશે.''