- બીજા અઠવાડિયે દર્દીને હોસ્પિટલમાં દાખલ કરવાની જરુર પડે
- ત્રીજા અને ચૌથા અઠવાડિયામાં હોસ્પિટલમાં દાખલ થવાથી મોતની આશંકા વધી જાય
- ત્રીજા અઠવાડિયે શરીર દવા અને સારવાર પ્રત્યે પ્રતિક્રિયા આપતું નથી
બીજા અઠવાડિયે દર્દીને હોસ્પિટલમાં દાખલ કરવાની જરુર પડે
કોરોનાના કહેરની વચ્ચે દિલ્હી સ્થિત AIIMSએ કોરોના વાયરસના સંક્રમણને લઈને એક મહત્વની શોધ કરી છે. જેમાં જણાવ્યું છે કે જ્યારે કોરોના વાયરસ સંક્રમણ ગંભીર અવસ્થામાં હોય છે ત્યારે દર્દીને હોસ્પિટલમાં દાખલ કરવાની જરુર પડે છે એવું સામાન્ય રીતે સંક્રમણના બીજા અઠવાડિયામાં થાય છે. જો આ સમયે દર્દીને જરુરી મેડિકલ સુવિધા મળી જાય છે તો કોરોના વાયરસથી તેની મોત થવાની આશંકા એક તૃત્યાંશ ઘટી જાય છે.
એપ્રિલ અને જૂનની વચ્ચે દાખલ થયેલા કોરોનાના દર્દી પર અભ્યાસ કરાયો
એમ્સના ડોક્ટરોએ આ શોધ ઈજ્જરમાં સ્થિત કેન્દ્રમાં એપ્રિલ અને જૂનની વચ્ચે દાખલ થયેલા કોરોનાના દર્દી પર કરી છે. આ દર્દીમાં કોવિડ 19ની ગંભીરતા માટે જવાબદાર કારકોનું વિશ્લેષણ કર્યા બાદ ડોક્ટરો આ તારણ કાઢ્યું છે. ઈજ્જર સ્થિત એમ્સે કેન્દ્રમાં ત્રણ મહિનામાં 2080 કોરોના દર્દી દાખલ થયા હતા. જેમાંથી 406 એટલે કે 20 ટકા લોકોના મોત થયા હતા.
ત્રીજા અને ચૌથા અઠવાડિયામાં હોસ્પિટલમાં દાખલ થવાથી મોતની આશંકા વધી જાય
એમ્સમાં કોવિડ સેવાઓની પ્રમુખ અને આ શોધના લેખક ડો. સુષમા ભટનાગરનું કહેવું છે કે કોરોના સંક્રમણ થવા પર ત્રીજા અને ચૌથા અઠવાડિયામાં હોસ્પિટલમાં દાખલ થવાથી મોતની આશંકા વધી જાય છે. જેમાં વધારે ઉંમર અને પહેલાથી બીજી બિમારી હોવાથી મોતની આશંકા વધી જાય છે. તેમનું કહેવું છે કે રસીકરણથી મોતનું સંકટ 30 ટકા ઓછું થઈ જાય છે. ત્યારે સંક્રમણના બીજા અઠવાડિયે દર્દીને દાખલ કરી દેવામાં આવે તો મોતનું સંકટ 36 ટકા સુધી ઘટી જાય છે.
ત્રીજા અઠવાડિયે શરીર દવા અને સારવાર પ્રત્યે પ્રતિક્રિયા આપતું નથી
ત્યારે એમ્સના મેડિસિન વિભાગના પ્રમુખ તથા પ્રોફેસર ડો. અનંત મોહનનું કહેવું છે કે બીજા અઠવાડિયા અને ત્રીજા અઠવાડિયામાં હોસ્પિટલમાં દાખલ થનારા દર્દીઓમાં અંતર એટલા માટે હોય છે કેમ કે બીજા અઠવાડિયે શરીર સ્ટેરોઈડના પ્રત્યે પ્રતિક્રિયા આપે છે. જ્યારે ત્રીજા અઠવાડિયે કોરોના સંક્રમણને કારણે શરીર એટલું અસ્વસ્થ્ય થઈ જાય છે કે તે દવા અને સારવાર પ્રત્યે પ્રતિક્રિયા આપતું નથી.
