નવરાત્રિ / નવરાત્રિ જવારા શા માટે વવાય છે? તેમાંથી શું સંકેત મળે છે?

જવારા વાવવા પાછળ શું માન્યતા છે
ધર્મગ્રંથો અનુસાર સૃષ્ટિની શરુઆત બાદ પહેલો પાક જવનો થયો હતો. તેથી દેવી-દેવતાઓની પુજા સમયે હંમેશા જવ ચઢાવવામાં આવે છે. માન્યતા અનુસાર જવ વાવવા પાછળનું કારણ એજ છે કે અન્ન બ્રહ્મ છે અને આપણે અન્નનું સન્માન કરવું જોઇએ. નવરાત્રિના પર્વ દરમિયાન વાવવામાં આવેલા જવમાંથી ભવિષ્ય સંબંધિત કેટલીક બાબતોના સંકેત મળે છે. આ દરમિયાન જવનું ઝડપથી અને સારી રીતે વધવુ શુભ માનવામાં આવે છે. એવું કહેવાય છે કે નવરાત્રિમા જવારા જેમ જેમ વધે છે તેમ તેમ ઘરમા સુખ અને સંપતિ વધે છે. ઘરમાં માતાજીની કૃપા આવે છે અને સમૃધ્ધિ આવે છે.

નવરાત્રિમાં જવ વાવવાથી મળે છે આ સંકેત
- વાવેલા જવ બેથી ત્રણ દિવસમાં જ અંકુરિત થઇ જાય છે, પરંતુ જો તે ન ઉગે તો તેને ભવિષ્ય માટે સારો સંકેત માનવામાં આવતો નથી. તેનો અર્થ એ થાય છે કે સખત મહેનત બાદ જ કોઇ કામમાં સફળતા મળશે.

- જો જવનો રંગ નીચેથી અડધો પીળો અને ઉપરથી અડધો લીલો હોય તો તેનો અર્થ એ છે કે આવનારુ અડધુ વર્ષ સારુ રહેશે, જ્યારે અડધુ વર્ષ થોડી તકલીફો આવશે.

- જો ઉગાવેલા જવનો રંગ નીચેથી અડધો લીલો અને ઉપરથી અડધો પીળો હોય તો તેનો અર્થ એ છે કે વર્ષની શરુઆતમાં સમય સારો વીતશે, પરંતુ ત્યારબાદ થોડી તકલીફોનો સામનો કરવો પડશે.

- જો વાવેલા જવ સફેદ કે લીલા રંગમાં ઉગી રહ્યા હોય તો તેને અત્યંત શુભ માનવામાં આવે છે. તેનો અર્થ છે કે આવનારુ આખુ વર્ષ ખુશીઓથી ભરેલુ હશે.