શું તમે ક્યારેય વિચાર્યું છે કે આ ભાડા કરાર ફક્ત 11 મહિના માટે જ કેમ કરવામાં આવે છે અને આખા વર્ષ માટે કેમ નહીં? આજે અમે તમને તેની પાછળનું કારણ જણાવશું..
જગ્યા ભાડે આપતા સાથે ભાડા કરાર કરવામાં આવે છે
ભાડા કરાર શા માટે જરૂરી છે?
ફક્ત 11 મહિનાનો એગ્રીમેન્ટ કેમ હોય?
ઘણા લોકો એકથી વધુ ઘર ખરીદે છે અને એ પછી તે ઘરને વધુ આવક માટે ભાડા પર ચઢાવી દે છે. ગુજરાત વિકસિત રાજ્યમાંથી એક છે અને ગુજરાતમાં ઘણા લોકો બીજા રાજ્યોથી આવીને કામ કરવા માટે અહિયાં વસે છે.એવા લોકો હંમેશા ભાડાનું ઘર શોધતા હોય છે. ગુજરાતમાં હાલ એક વર્ગ એવો પણ છે જે ભાડાની આવક પર નભે છે. પોતાની વધારાની મિલકતને ભાડે ચઢાવીને સારી એવી આવક મેળવે છે.
જગ્યા ભાડે આપતા સાથે ભાડા કરાર કરવામાં આવે છે
બીજા રાજ્યો કે શહેરથી આવતા લોકો જ્યારે કોઈ કામ માટે પોતાના ઘરથી દૂર નોકરી કરવા માટે આવે છે એ લોકો ઘરનું ઘર લેવા કરતાં ભાડે મકાન લે છે. આ સામે જ ભાડે મકાન આપતા લોકોની સંખ્યામાં પણ ઘણો વધારો થઈ રહ્યો છે. ભાડા પર રહેવાના પોતાના નિયમો છે જેનું પાલન કરવાની જરૂર છે, જેમાંથી એક ભાડા કરાર મેળવવો છે. જ્યારે પણ ભાડૂઆત મકાન ભાડે આપે છે ત્યારે તેની સાથે ભાડા કરાર કરવામાં આવે છે. પણ શું તમે ક્યારેય વિચાર્યું છે કે આ ભાડા કરાર ફક્ત 11 મહિના માટે જ કેમ કરવામાં આવે છે અને આખા વર્ષ માટે કેમ નહીં? આજે અમે તમને તેની પાછળનું કારણ જણાવશું..
ભાડા કરાર શા માટે જરૂરી છે?
જણાવી દઈએ લે જ્યારે ભાડૂઆત ભાડા પર મકાન લે છે અને મકાનમાલિક તેને ભાડા માટે મકાન આપે છે, ત્યારે બંને વચ્ચે તેનો લેખિતમાં કરાર થાય છે. એ કરારમાં મકાન , ભાડૂઆત અને મકાનમાલિક વિશેની માહિતી સાથે સાથે સરનામું અને ભાડાનો ઉલ્લેખ કરવામાં આવે છે અને એ સાથે જ મકાનમાલિક તેની શરતો પણ તેમાં લખે છે. આ દસ્તાવેજને રેન્ટ એગ્રીમેન્ટ કહેવામાં આવે છે.
ફક્ત 11 મહિનાનો એગ્રીમેન્ટ કેમ હોય?
હવે જેને આ અગ્રીમેન્ટ વિશે ખ્યાલ હશે તેને જોયું હશે કે ભાડા કરાર 12 મહિનાને બદલે માત્ર 11 મહિના માટે જ કરવામાં આવે છે અને તેની પાછળનું કારણ છે કે જો મકાનમાલિક તેની કોઈપણ મિલકત 12 મહિના કે તેથી વધુ સમયગાળા માટે ભાડે આપે છે તો તેને ભાડા કરારની નોંધણી કરાવવી પડશે અને આ પેપરવર્ક કરવામાં ખર્ચો થાય છે અને એ મુશ્કેલીથી બચવા માટે ભાડા કરાર ફક્ત 11 મહિના માટે કરવામાં આવે છે. જો કે એટલું જ નહીં પણ 12 મહિનાનો કરાર કરવા પર નોંધણી ફી સાથે સ્ટેમ્પ પેપર પણ લાગુ કરવામાં આવે છે તેની સામે 11 મહિના માટે ભાડા કરાર કરવા માટે આવી કોઈ આવશ્યકતા નથી.
ભાડા કરાર સાચો કે ખોટો?
ઘણા લોકોના મનમાં આ સવાલ ઊઠતો હોય છે કે શું ભાડા કરાર કરવો જરૂરી છે? તો જવાબ હા છે, કારણ કે ભાડા કરારથી મકાનમાલિક કે ભાડૂઆત બંનેને પછીથી ઉદ્ભવતી સમસ્યાઓનો સામનો ન કરવો પડે. આ ભાડા કરારમાં મકાનમાલિકના તમામ નિયમો અને શરતો, ભાડું અને અન્ય તમામ માહિતી શામેલ છે.