પહેલાંના સમયમાં 50 વર્ષ બાદ વાળ ખરવાની શરૂઆત થતી હતી, પરંતુ આજકાલ 30 વર્ષની ઉંમરે પણ યુવકોના માથાના વાળ ખરી પડવા અને ટાલ પડી જવા જેવી સમસ્યા જોવા મળે છે.
યંગ એજમાં કેમ વાળ ખરી જાય છે
સ્ટ્રેસના કારણે વાળ ખરવા લાગે છે
ગરમ પાણીથી વાળ ધોવાથી થાય છે સમસ્યા
માથામાં ટાલ પડવાથી તેઓ અવનવી તરકીબો અપનાવવા લાગે છે તેમજ તેમનો સેલ્ફ કોન્ફિડન્સ ઓછો થઇ જાય છે. માથા પરથી વાળ ખરી પડવાનું કારણ આજની લાઈફસ્ટાઇલ અને ખોરાક મનાય છે. ખોટા પ્રકારનું ભોજન લેવાથી આપણા શરીરમાં ન્યુટ્રિશનની કમી સર્જાય છે અને વાળનાં મૂળ કમજોર રહે છે, જેના કારણે વાળ ખરી જાય છે અને માથામાં ટાલ પડવા લાગે છે.
ગરમ પાણીથી નહાવું
ગરમ પાણીથી નહાવાથી આરામ મળે છે, પરંતુ તેનાથી એક નુકસાન પણ છે. ગરમ પાણી સ્કેલ્પના નેચરલ ઓઈલને ઓછું કરી દે છે, જેના કારણે સ્કિન ડ્રાય બને છે અને ટાલ પડવા લાગે છે. જો તમે તમારા વાળને ૩૦ વર્ષની ઉંમર બાદ પણ સલામત રાખવા ઈચ્છો છો તો વાળમાં ગરમ પાણીનો ઉપયોગ ટાળો.
સ્વાસ્થ્યપ્રદ ભોજનનો અભાવ
આજની વ્યસ્ત લાઇફમાં લોકોને ખાવાનું ભાન નથી રહ્યું, તેઓ ગમે ત્યાંથી ગમે તેવું ભોજન ખાઈ લે છે, જેની ખરાબ અસર ત્વચા અને વાળ પર પડે છે. વાળની સંભાળ માટે સમયસર અને સાત્ત્વિક ભોજન ખાવું જરૂરી છે. વાળના પોષણ માટે તમારા ભોજનમાં પ્રોટીન, આયર્ન અને વિટામિન્સ ભરપૂર માત્રામાં હોવાં જોઇએ.
વાળમાં તેલ ન લગાવવું
વાળમાં તેલ ન લગાવવાથી વાળ ખરે છે, જેના કારણે લાંબા સમયે માથામાં ટાલ પડી જાય છે, જેથી અઠવાડિયામાં એક વખત માથામાં તેલ માલિશ અવશ્ય કરવી જોઈએ.
હોટ ડ્રાયરનો ઉપયોગ
આજકાલ ડ્રાયર, સ્ટ્રેટનર જેવાં હીટિંગ ટૂલ્સનો વપરાશ વધ્યો છે. આ બધાં ઇક્વિપમેન્ટ્સ વાળને નુકસાન પહોંચાડે છે અને તે ખરવા લાગેે છે.