RRRના ડિરેક્ટર રાજામૌલી એક સંન્યાસીની જેમ રહે છે. એમને વાતચીત દરમિયાન કહ્યું હતું કે, મારો પરિવાર ઘણો ધાર્મિક રીતે જીવે છે. હું મારા પરિવારના ધાર્મિક ઉત્સાહમાં ફસાઈ ગયો.
ધર્મ એક પ્રકારનું શોષણ છે - રાજામૌલી
મહાભારત કે રામાયણ મારી માટે પ્રેમથી ઓછી નથી
ગીત 'નાટુ-નાટુ' એ રચ્યો ઇતિહાસ
સાઉથ સિનેમામી ફિલ્મ 'RRR' દુનિયાભરમાં એક મોટી જીત બની ગઈ છે. ફિલ્મે ગયા મહિને ઇતિહાસ રચ્યો હતો કારણ કે તે ઓસ્કારમાં બેસ્ટ ગીત લિસ્ટમાં નોમિનેટ થવાવાળી પહેલી ભારતીય ફિલ્મ બની હતી. આ વિશે હાલમાં જ ફિલ્મના ડિરેક્ટર એમએસ રાજામૌલીએ એક વાતચીત દરમિયાન તેમના ધાર્મિક ઉત્સાહ સાથે સાથે તેમની ફિલ્મમાં રામાયણ અને મહાભારત પ્રભાવ વિશે પણ વાત કરી હતી.
ધર્મ એક પ્રકારનું શોષણ છે - રાજામૌલી
ઘણા ઓછા લોકો જાણે છે કે RRRના ડિરેક્ટર રાજામૌલી એક સંન્યાસીની જેમ રહે છે. એમને વાતચીત દરમિયાન કહ્યું હતું કે, મારો પરિવાર ઘણો ધાર્મિક રીતે જીવે છે. હું મારા પરિવારના ધાર્મિક ઉત્સાહમાં ફસાઈ ગયો અને એ માટે જ મેં ધાર્મિક ગ્રંથ વાંચવાનું ચાલુ કર્યું, તીર્થ યાત્રા પર જવાનું શરૂ કર્યું, ભગવા વસ્ત્રધારણ કર્યા અને થોડા વર્ષો સુધી સંન્યાસી તરીકે મેં જીવન વિતાવ્યું હતું. એ બાદ મેં ખ્રિસ્તી ધર્મ અપનાવી લીધો જે માટે હું મારા થોડા મિત્રોનો આભાર માનવા માંગુ છું. હું બાઇબલ વાંચું છું, ચર્ચ જાઉં છું અને દરેક ધાર્મિક વસ્તુઓ કરું છું. ધીરે ધીરે આ દરેક વસ્તુઓએ મને એવો અનુભવ કરાવ્યો કે ધર્મ એક પ્રકારનું શોષણ છે.'
મહાભારત કે રામાયણ મારી માટે પ્રેમથી ઓછી નથી
ઓગણીસમી અને વીસમી સદી દરમિયાન સ્વતંત્ર પહેલાનું જીવન દર્શાવતી RRR ફિલ્મ વાસ્તવિક જીવનના તેલુગુ ક્રાંતિકારી નેતા કોમારામ ભીમ અને અલ્લુરિ સીતારામ રાજૂ આ બે પાત્ર પર આધારિત છે. બંને ક્રૂર બ્રિટિશ અધિકારીઓને ટક્કર આપવા માટે ટીમ બનાવે છે. એ વાતચીત દરમિયાન રાજામૌલીએ એમની ફિલ્મ પર હિંદુ મહાકાવ્ય રામાયણ અને મહાભારતની અસર વિશે પણ વાત કરી હતી. એમને કહ્યું હતું કે, 'મહાભારત કે રામાયણ જેવી વાર્તાઓ મારી માટે પ્રેમથી ઓછી નથી. મારી અંદરથી જે કઈં પણ નીકળે છે એ આ જ ગ્રંથથી પ્રભાવિત થઈને નીકળે છે.'
ગીત 'નાટુ-નાટુ' એ રચ્યો ઇતિહાસ
જણાવી દઈએ કે આ વર્ષની શરૂઆતમાં જાન્યુઆરીમાં રાજામૌલીએ તેની ફિલ્મ RRR માટે ક્રિટિક્સ સર્કલ એવોર્ડ પણ જીત્યો હતો. ટેલર સ્વિફ્ટ, લેડી ગાગા અને રિહાનાને હરાવ્યા પછી ગોલ્ડન ગ્લોબ્સમાં ગીત 'નાટુ-નાટુ'એ બેસ્ટ સોંગનો એવોર્ડ જીતીને ઇતિહાસ રચ્યો હતો.