દુનિયાના સૌથી અમીર શખ્સ એલન મસ્કે માઈક્રો-બ્લોગિંગ સાઈટ ટ્વિટરને ખરીદી ચુક્યા છે. તેના કારણે તે સતત ચર્ચામા છે. કેટલાય રિપોર્ટ અનુસાર એલન મસ્ક ટ્વિટરના સીઈઓ પરાગ અગ્રવાલને તેમના પદેથી હટાવી દેશે. હવે પરાગ અગ્રવાલની પત્ની વિનીતા અગ્રવાલ પણ ચર્ચામાં આવી છે.
એટલે કે, ટ્વિટર ડીલમાં પરાગ અગ્રવાલની પત્ની વિનીતા અગ્રવાલનું પણ કનેક્શન સામે આવ્યું છે. પણ તેમનું કનેક્શન તેના પતિ સાથે લેવાદેવા નથી. આપને આ કનેક્શન જણાવતા પહેલા જણાવી દઈએ કે, વીનિતા એક ફિઝિશિયન છે અને સ્ટેનફોર્ડ સ્કૂલ ઓફ મેડિસિનમાં ક્લિનિકલ પ્રોફેસર તરીકે કામ કરે છે.
તે વેંચર કેપિટલ કંપની Andreessen Horowitz માટે પણ કામ કરે છે. આ કંપની એટરપ્રેન્ચોર, ઈન્વેસ્ટર્સ એક્ઝીક્યૂટિવ, એન્જીનિયર્સ, ઈંડંસ્ટ્રી એક્સપર્ટ્સ અને બીજી ટેકનોલોજી ઈકોસિસ્ટમમાં કનેક્ટ કરે છે.
શું છે કનેક્શન
વેંચર કેપિટલ કંપની Andreessen Horowitz પણ મસ્કની 44 બિલિયન ડીલમાં ફંડ આપશે. આ કંપની ટ્વિટર ડીલ માટે મસ્કને 400 મિલિયન ડોલરનું ફંડ આપશે. ત્યાર બાદથી કંપનીના જનરલ પાર્ટનર વિનીતા અગ્રવાલ સ્પોટલાઈટમાં આવી ગયા છે.
Andreessen Horowitz માં જનરલ પાર્ટનર હોવાના કારણે વીનિતા અગ્રવાલ ફર્મના બાયો અને હેલ્થ ફંડના ઈન્વેસ્ટમેંટને લીડ કરે છે. આ કંપની ફેસબુકને પણ ખૂબ ફાઈનાન્સિયલ સપોર્ટ આપી ચુકી છે.