બિઝનેસ / કોણ છે રેખા ઝુનઝુનવાલા જેમણે માત્ર 15 જ દિવસમાં 1000 કરોડ રૂપિયાની કરી કમાણી, જાણો કઈ રીતે

• 2 અઠવાડિયામાં જ રેખા ઝુનઝુનવાલાએ 1000 કરોડ રૂપિયાની કમાણી કરી
• શેર પર સટ્ટો લગાવીને માત્ર 15 દિવસમાં આટલી મોટી રકમ કમાઈ
• કોણ છે રેખા ઝુનઝુનવાલા?

Rekha Jhunjhunwala: ભારતના દિગ્ગજ બિઝનેસમેન રહી ચૂકેલ રાકેશ ઝુનઝુનવાલાની પત્ની રેખા હાલ ચર્ચાનો વિષય બની છે. જણાવી દઈએ કે તાજેતરમાં માત્ર 2 અઠવાડિયામાં જ રેખા ઝુનઝુનવાલાએ 1000 કરોડ રૂપિયાની કમાણી કરી લીધી છે. નોંધનીય છે કે રેખા ઝુનઝુનવાલાએ ટાટા ગ્રુપની કંપની ટાઈટનના શેર પર સટ્ટો લગાવીને માત્ર 15 દિવસમાં આટલી મોટી રકમ કમાઈ લીધી છે. તમને જણાવી દઈએ કે 2 ફેબ્રુઆરીએ ટાઈટન કંપનીના શેરની કિંમત 2310 રૂપિયા હતી જે હાલ 2535 રૂપિયા થઈ ગઈ હતી. એટલે કે આ શેરની કિંમત માત્ર બે અઠવાડિયામાં 225 રૂપિયા વધી ગઈ છે.

રેખા ઝુનઝુનવાલા પાસે ટાઈટનના કેટલા શેર? 
જણાવી દઈએ કે રેખા ઝુનઝુનવાલાની પાસે ટાઇટન કંપનીના 4,58,95,970 (4 કરોડ 58 લાખ 95 હજાર 970) શેર છે અને આ ટાઇટન કંપનીની કુલ મૂડીના લગભગ 5.17% છે. હિસાબ લગાવીએ તો જો 225 રૂપિયા પ્રતિ શેરના વધારા મુજબની ગણતરી કરીએ તો છેલ્લા બે અઠવાડિયામાં રેખા ઝુનઝુનવાલાએ આ શેરમાંથી 1000 કરોડનો નફો કર્યો છે.

કોણ છે રેખા ઝુનઝુનવાલા?
જણાવી દઈએ કે રેખા ઝુનઝુનવાલા દિગ્ગજ સ્ટોક ટ્રેડર રાકેશ ઝુનઝુનવાલાની પત્ની છે. નોંધનીય છે કે રાકેશ ઝુનઝુનવાલાનું ગયા વર્ષે નિધન થયું હતું. એક રિપોર્ટ અનુસાર રાકેશ ઝુનઝુનવાલા પાસે ટાઇટન કંપનીના 3.85 ટકા શેર હતા અને એમની પત્ની રેખા પાસે 1.69 ટકા શેર હતા. આ રીતે બંને પાસે ટાઈટન કંપનીના 5 ટકાથી વધુ શેર હતા.  જો રાકેશ ઝુનઝુનવાલાની વાત કરી તો તેઓ ભારતના અમીરોની યાદીમાં સામેલ હતા અને વર્ષ 2022 માં તેઓ ફોર્બ્સની યાદીમાં 30મા સૌથી અમીર ભારતીય હતા.

2017માં ટાઈટનથી કમાયો હતો  900 કરોડનો નફો 
રાકેશ ઝુનઝુનવાલાની પોતાની કંપની છે, જેના દ્વારા તેઓ આ શેરમાં રોકાણ કરતા હતા. જણાવી દઈએ કે એમની એ કંપનીનું નામ છે RARE Enterprises છે. આ કંપનીના નામમાં પહેલું RA એ રાકેશ ઝુનઝુનવાલા માટે વપરાય છે અને પછીનું RE તેની પત્ની રેખા ઝુનઝુનવાલા માટે વપરાય છે. રાકેશ ઝુનઝુનવાલાએ વર્ષ 1985માં 5,000 રૂપિયાથી શેરબજારમાં રોકાણ કરવાનું શરૂ કર્યું હતું અને ત્યારથી એટલે કે 37 વર્ષ પછી તેમની પ્રોપર્ટી $5.8 બિલિયન એટલે કે લગભગ 46 હજાર કરોડ રૂપિયા સુધી પંહોચી છે. આ બધામાં ટાટા કંપનીના સ્ટોક ટાઇટનથી રાકેશ ઝુનઝુનવાલાને સૌથી વધુ ફાયદો થયો છે અને એક રિપોર્ટ અનુસાર વર્ષ 2017માં આ સ્ટોકમાં થયેલા વધારાને કારણે તેણે એક જ દિવસમાં 900 કરોડ રૂપિયાનો નફો કર્યો હતો.