રેપર અને સિંગર બાદશાહને ફરીથી પ્રેમ થયો છે. બે વર્ષ પહેલા પોતાની પત્નીથી અલગ થયેલા બાદશાહની લવલાઈફમાં પંજાબી અભિનેત્રી ઈશા રિખીની એન્ટ્રી થઇ છે. મીડિયા રિપોર્ટ્સ મુજબ, બાદશાહ ઈશા રિખીને ડેટ કરી રહ્યાં છે.
બંનેનુ 1 વર્ષથી અફેર ચાલી રહ્યું છે. અત્યાર સુધી બંનેએ પોતાની રિલેશનશિપ લો પ્રોફાઈલ રાખી છે. પિન્કવિલાની રિપોર્ટ મુજબ, ઈશા અને બાદશાહની મુલાકાત એક પાર્ટીમાં કોમન મિત્ર દ્વારા થઇ હતી. પહેલી મુલાકાતમાં બંને એકબીજાને પસંદ કરવા લાગ્યા. બંનેને ફિલ્મો અને મ્યુઝીકને લઇને સેમ ટેસ્ટ હતો. તેથી તેમની વાઈબ્સ જલ્દી મેચ થઇ ગઇ. બાદશાહ અને ઈશાએ પોતાના સંબંધ અંગે પરિવારને જણાવ્યું છે.
ઈશા પંજાબી અભિનેત્રી છે. તેમણે 2013માં ફિલ્મ Jatt Boys Putt Jattan De થી સિલ્વર સ્ક્રીન પર ડેબ્યુ કર્યુ હતુ. સિપ્પી ગિલની સામે તેમણે આ ફિલ્મમાં કામ કર્યુ હતુ. તે ઘણા પંજાબી સુપરસ્ટાર સાથે કામ કરી ચૂકી છે. ઈશાએ બોલીવુડમાં ફિલ્મ નવાબજાદેથી ડેબ્યુ કર્યુ હતુ. જો કે, તેમને બોલીવુડમાં ખાસ ઓળખ ના મળી. ઈશા પહેલા ફિલ્મ 2019માં જોવા મળી હતી. જેનુ નામ Mindo Taseeldarni હતી. અભિનેત્રી મ્યુઝીક વીડિયોમાં પણ જોવા મળે છે.
ઈશાની માંનુ અભિનેત્રી બનવાનુ સપનુ હતુ. પરંતુ તેઓ પોતાનુ સપનુ પૂર્ણ ના કરી શક્યા. તેથી તેમણે પુત્રીને અભિનેત્રી બનાવી. ઈશા જ્યારે 12મા ધોરણમાં હતી ત્યારથી મોડલિંગ શરૂ કરી દીધુ હતુ. તેમણે ઈવેન્ટ મેનેજમેન્ટ કંપનીમાં પણ કામ કર્યુ છે.