Diwali 2022 / દિવાળીની સાફ-સફાઇ કરતાં સમયએ ભૂલથી પણ ન ફેંકી દેતા આ વસ્તુઓ, નહીંતર ગુસ્સે થઈ જશે મા લક્ષ્મી

• દિવાળીની સાફસફાઇ કરતાં સમયે આ વસ્તુઓ ઘરની બહાર ક્યારેય ન ફેંકવી 
• આમ કરવાથી માતા લક્ષ્મી ગુસ્સે થઈને ઘરની બહાર નીકળી જાય છે
• આજે અમે તમને એવી જ કેટલીક વસ્તુઓ વિશે જણાવવા જઈ રહ્યા છીએ

દિવાળીનો પાંચ દિવસનો મોટો તહેવાર શરૂ થવાને હવે ગણતરીના દિવસો બાકી રહ્યા છે. આપણે બધા જાણીએ છીએ કે આ વખતે 24 ઓક્ટોબરના રોજ દિવાળી ઉજવવામાં આવશે. એટલા માટે તહેવાર શરૂ થાય તે પહેલા જ અત્યારથી લગભગ દરેક લોકોએ ઘરની સફાઈ શરૂ કરી દીધી હશે. દિવાળીની સાફસફાઇ કરતાં સમયે ઘણા લોકો ઘરમાં પડેલ ઘણી જૂની અને નકામી વસ્તુઓ ઘરની બહાર ફેંકી દેવામાં દે છે પણ કેટલીક એવી વસ્તુઓ છે જેને ખરાબ માનીને ઘરની બહાર ક્યારેય ન ફેંકવી જોઈએ. આમ કરવાથી માતા લક્ષ્મી ગુસ્સે થઈને ઘરની બહાર નીકળી જાય છે.

આજે અમે તમને એવી જ કેટલીક વસ્તુઓ વિશે જણાવવા જઈ રહ્યા છીએ જેને દિવાળીની સાફ સફાઇ કરતાં સમયએ ભૂલથી પણ બહાર ન ફેંકવી જોઈએ.. 

- જો દિવાળીને સફાઈ કરતી વખતે ઘરના કોઈ ખૂણામાંથી જૂના સિક્કા મળી આવે તો તેને ઘરની બહાર ન ફેંકવા જોઈએ. એવું માનવામાં આવે છે કે જૂન સિક્કા ઘરમાં હોવું મતલબ કે ઘરમાં માતા લક્ષ્મીનો વાસ છે. દિવાળી પર મા લક્ષ્મીની પૂજામાં એ જૂન સિક્કાની પણ પૂજા કરવામાં આવે છે. 

- દિવાળીની સફાઈ દરમિયાન જો પૂજાની વસ્તુઓમાં જૂના શંખ મળી આવે તો તેને ફેંકવા કરતાં કોઈ પવિત્ર સ્થાન પર રાખવું જોઈએ. જો તેને કચરો કે નકામું સમજીને ફેંકી દો તો મા લક્ષ્મી ક્રોધિત થાય છે.

- જો દિવાળીની સફાઈ કરતાં સમયએ મોરપીંછ મળે તો તેને શુભ માનવામાં આવે છે. બધા જાણીએ છીએ કે ભગવાન શ્રીકૃષ્ણને મોરપીંછ ખૂબ પ્રિય છે. એટલા માટે તેને ફેંકી દેવાને બદલે પવિત્ર જગ્યા પર રાખો આમ કરવાથી ઘરમાં સુખ-શાંતિ બની રહેશે. 

- માન્યતા અનુસાર મા લક્ષ્મીને સાવરણી ખૂબ જ પ્રિય છે અને જો ઘરની સફાઈ દરમિયાન જૂની સાવરણી મળી આવે તો તેને ફેંકી દેવાથી ઘરમાંથી સુખ-સમૃદ્ધિ દૂર ચાલી જાય છે. આ સાથે જ ઘરમાં તૂટેલી સાવરણી રાખવાથી નકારાત્મક ઉર્જાનો સંચાર થાય છે. એટલા માટે જ માન્યતા અનુસાર તૂટેલ સાવરણી ફેંકવી હોય તો તેને ગુરુવાર કે શુક્રવારે ન ફેંકવી જોઈએ. 

- આ સિવાય દિવાળીની સફાઈ દરમિયાન જો કોઈ જૂનું લાલ કપડું મળી આવે તો તેને ફેંકવા કરતાં તેને ઘરમાં જ રાખો. ઘરમાં લાલ વસ્ત્રો રાખવાથી મા લક્ષ્મી પ્રસન્ન થાય છે અને એમનો આશીર્વાદ બની રહે છે.