તમારા કામનું / WhatsApp અપડેટ કરવાનું બાકી હોય તો કરી લેજો, જેની બહુ રાહ જોવાઈ એ ફીચર આવી ગયું!

• WhatsApp એપમાં આવ્યું નવું ફીચર 
• Delete for Everyone ની સમય મર્યાદામાં વધારો 
• નવી સમય મર્યાદા 2 દિવસ અને 12 કલાક 

ચેટિંગ પ્લેટફોર્મ વોટ્સએપ દુનિયાના સૌથી લોકપ્રિય સોશિયલ મીડિયા પ્લેટફોર્મમાંથી એક છે. વોટ્સએપ પોતાના યૂઝર્સને ઘણા આકર્ષક ફીચર્સ આપે છે, જેની મદદથી તેમના માટે ચેટિંગ અને વોઇસ અને વીડિયો કોલ કરવાનું ખૂબ જ સરળ બની જાય છે. ઘણા સમયથી યૂઝર્સ એક ખાસ ફીચરની રાહ જોઈ રહ્યા હતા અને હવે આ ફીચરને વોટ્સએપે યૂઝર્સ માટે રોલઆઉટ કરી દીધું છે. WhatsApp Delete for Everyone ઓપ્શન આ નવા અપડેટમાં શું છે અને કેવી રીતે કામ કરે છે, આવો જાણીએ.

વોટ્સએપનું નવું અપડેટ
તમારી જાણકારી માટે તમને જણાવી દઈએ કે વોટ્સએપ લાંબા સમયથી પોતાની ડિલીટ ફોર એવરીવન ટાઈમ લિમિટની ટાઈમ વધારવા પર કામ કરી રહ્યું હતું અને હવે આખરે આ ફીચર રિલીઝ થઈ ગયું છે. આ અપડેટ વિશે જાણીને યૂઝર્સ ખૂબ ખુશ થયા છે.

તમે બે દિવસ પછી પણ ડિલીટ મેસેજ કરી શકશો
આ નવા ફીચર હેઠળ જો તમે વોટ્સએપ મેસેજ મોકલ્યાના બે દિવસ બાદ પણ 'ડિલીટ ફોર એવરીવન' કરવા માંગો છો તો તે કરી શકાય છે. વોટ્સએપના ડિલીટ ફોર એવરીવન ઓપ્શનની સમય મર્યાદા સત્તાવાર રીતે વધારીને બે દિવસ અને 12 કલાક કરવામાં આવી છે. એટલે કે મેસેજ મોકલ્યાના બે દિવસ બાદ પણ તમે તેને બીજા માટે ડિલીટ કરી શકશો.

બધા માટે રોલઆઉટ
આ નવું ફીચર એન્ડ્રોઇડ અને આઇઓએસ બંને માટે રિલીઝ કરવામાં આવ્યું છે અને તેથી તમે તમારા ફોનમાં વોટ્સએપની એપ્લિકેશન અપડેટ કરીને આ સુવિધાનો લાભ લઈ શકો છો.