ટિપ્સ / સરકારી નોકરીની તૈયારીઓ કરવા માટે કોચિંગ ક્લાસ કરવા જરુરી નહી, આ રીતે કરશો સ્ટડી તો, નોકરી મળી જ ગઇ સમજો

• સરકારી નોકરી કરવા માટે સેલ્ફ સ્ટડી કરો
• કોચિંગ ક્લાસની પણ નથી જરુર
• સેલ્ફ સ્ટડી માટે કરો પ્લાનિંગ 

સરકારી નોકરી માટે તૈયારીઓ કરવા માંગો છો પરંતુ કોચિંગ ક્લાસ જોઇન કરવા માટે અસમર્થ હોવ તો ચિંતા કરવાની જરુર નથી. કારણ કે ઘણા એવા પણ લોકો છે જેઓ કોચિંગ વિના જાતે સ્ટડી કરીને પણ સફળતા હાંસલ કરે છે. જો કે આ માટે જરુર છે દમદાર પ્લાનિંગ કરવાની. જો તમે પ્લાનિંગ સાથે સ્ટડી કરશો તો ચોક્કસ તમને સફળતા મળશે. ત્યારે આવો જાણીએ સેલ્ફ સ્ટડી માટે તમારે શું કરવુ જોઇએ.

આ રીતે કરો શરુઆત

સૌ પ્રથમ તમે જે સ્પર્ધાત્મક પરીક્ષાની તૈયારી કરી રહ્યા છો  તેનો અભ્યાસક્રમ તપાસો અને તે મુજબ તમારી અભ્યાસ સામગ્રી તૈયાર કરો. પછી તેના અભ્યાસ માટે વધુમાં વધુ સમય કાઢો. જો કોઈપણ પરીક્ષામાં શારીરિક કસોટી હોય તો તેને પણ તમારા સમયપત્રકમાં સામેલ કરો. કોઈપણ તૈયારી શરૂ કરતા પહેલા પૂર્વ આયોજન ખૂબ જ જરૂરી છે. જો તમે તમારી બ્લુપ્રિન્ટ મુજબ આગળ વધો છો, તો તમે ચોક્કસપણે ઓછા સમયમાં સફળતા મેળવી શકો છો.

સેલ્ફ સ્ટડી પર ધ્યાન આપો

કોચિંગ પર આધાર રાખવાને બદલે તમારે સેલ્ફી સ્ટડી પર ધ્યાન કેન્દ્રિત કરવું જોઈએ અને તમારી તૈયારીમાં મહત્તમ સમય પસાર કરવો જોઈએ. તૈયારી દરમિયાન ટાઇમ મેનેજમેન્ટ મહત્વની ભૂમિકા ભજવે છે. તમારો અભ્યાસક્રમ કવર થઇ ગયા બાદ વધારેમાં વધારે રિવિઝન કરો. પ્રેક્ટિસ માટે ટેસ્ટ પેપર સોલ્વ કરો અને તેનું વિશ્લેષણ કરો. જેથી તમે ક્યાંક ભૂલ કરી હોય તો ખબર પડશે.

સ્માર્ટ સ્ટડી પર ભાર મૂકો 

આજના યુગમાં, કોઈપણ સ્પર્ધાત્મક પરીક્ષાની તૈયારી માટે ઈન્ટરનેટ એક મહત્વપૂર્ણ સ્ત્રોત તરીકે ઉભરી રહ્યું છે. તમને દરેક પ્રશ્નનો જવાબ ઇન્ટરનેટ પર મળી જશે. ઇન્ટરનેટની મદદથી તમે સ્માર્ટ સ્ટડી કરી શકો છો અને તમારો ઘણો સમય બચાવીને તમારી તૈયારીને મજબૂત બનાવી શકો છો. ઇન્ટરનેટ પણ ઘણા બધા ઓનલાઇન ક્લાસની મદદથી તમને અઘરા લાગતા વિષય અંગે તમે શીખી શકો છો.