વૉટ્સએપ એ આપણી વચ્ચે સૌથી લોકપ્રિય એપ છે. આપણે વૉટ્સએપની સાથે બીજી એપનું નામ પણ સાંભળ્યું છે, જે 'વોટ્સએપ બિઝનેસ' છે.
ઘણા લોકોના મનમાં સવાલ ઉભો થાય છે કે વૉટ્સએપ બિઝનેસ એપ એટલે શું અને તેનો ઉપયોગ કેવી રીતે થઈ શકે? તો અમે તમને તેના વિશે બધુ જણાવી રહ્યા છીએ.
નાના ધંધાના માલિકોને ધ્યાનમાં રાખીને બનાવવામાં આવી છે
વૉટ્સએપ બિઝનેસ એ એક એપ્લિકેશન છે જે મફતમાં ડાઉનલોડ કરી શકાય છે અને તે નાના ધંધાના માલિકોને ધ્યાનમાં રાખીને બનાવવામાં આવી છે. વૉટ્સએપ બિઝનેસ ગ્રાહકો સાથે વાતચીતને સરળ બનાવે છે. તેમાં આવા ટૂલ્સ શામેલ છે, જેથી મેસેજને ઝડપી અને ઓટોમેટિક જવાબ આપી શકાય.
આ એપને વૉટ્સએપ મેસેંજરની જેમ જ બનાવવામાં આવી છે જેથી તમને પણ એવું જ લાગે કે તમે વૉટ્સએપ વાપરી રહ્યા છો. તમે વૉટ્સએપ મેસેંજર પર કરો તે જ રીતે યુઝર્સને ફોટા મોકલી શકો છો.
કેવી રીતે ઓળખશો બિઝનેસ પ્રોફાઈલ
વૉટ્સએપ પર પર્સનલ એકાઉન્ટ અને બિઝનેસ એકાઉન્ટને ઓળખવું સરળ છે. ચેટમાં તેની પ્રોફાઇલ જોવા માટે કોન્ટેક્ટના નામ પર ટેપ કરો. આમાંથી એક લેબલ બિઝનેસ એકાઉન્ટની પ્રોફાઇલમાં મૂકવામાં આવ્યું છે.
ઓફિશ્યલ બિઝનેસ એકાઉન્ટ
પ્રખ્યાત અને વેરિફાઇડ એકાઉન્ટની પ્રોફાઈલમાં ચેટના હેડર પાસે લીલો ચેકમાર્ક બેજ લગાવેલો હોય છે. બિઝનેસ એકાઉન્ટનું નામ તમારી એડ્રેસ બુકમાં સેવ થયેલું ન હોય તો પણ દેખાડવામાં આવે છે.
બિઝનેસ એકાઉન્ટ
જો કોઈ બિઝનેસમેન વૉટ્સએપ બિઝનેસની કોઈ પ્રોડક્ટ પર એકાઉન્ટ બનાવે છે, તો તે તેનું ડિફોલ્ટ સ્ટેટસ હોય છે.
એપ ડાઉનલોડ કરતા પહેલા આ વાતોનું ધ્યાન રાખો
જો તમારી પાસે પહેલેથી જ વૉટ્સએપ મેસેંજર એકાઉન્ટ છે, તો તમે સરળતાથી તમારી જૂની ચેટ્સ અને મીડિયા સહિતની તમારી એકાઉન્ટ ઇન્ફોર્મેશનને નવા વોટ્સએપ બિઝનેસ એકાઉન્ટમાં ટ્રાન્સફર કરી શકો છો.
જો તમે વોટ્સએપ બિઝનેસનો ઉપયોગ કરવાનું બંધ કરો છો, તો પછી તમારી જૂની ચેટ્સ વૉટ્સએપ મેસેંજર પર ટ્રાન્સફર નહીં કરી શકો
જો તમે વૉટ્સએપ બિઝનેસ, વૉટ્સએપ મેસેન્જર બંને એકસાથે વાપરો છો તો બંનેને અલગ અલગ ફોન સાથે લિંક કરી શકો છો. બંને એપમાં એક જ નંબર લિંક કરવો શક્ય નથી.