વર્લ્ડ નો ટોબેકો ડે / અચાનક સિગારેટ છોડી દેવાથી શરીરમાં શું થાય છે ફેરફાર? કેટલો સમય મન મક્કમ રાખવાથી આદત છૂટી જશે

• તમાકુ આરોગ્ય માટે નુકસાનકારક
• કેન્સર અને હ્રદયની બિમારીઓનું જોખમ વધી જાય
• સિગારેટ છોડવાથી શરીરમાં કેવા ફેરફાર થાય છે?

તમાકુ આરોગ્ય માટે નુકસાનકારક હોય છે. તમાકુ અને તેનાથી બનેલ પ્રોડક્ટનો ઉપયોગ કરવાથી કેન્સર અને હ્રદયની બિમારીઓનું જોખમ વધી જાય છે. તમાકુ એક મહામારીની જેમ છે, જે આરોગ્યના સૌથી મોટા જોખમમાંથી એક છે. વર્લ્ડ હેલ્થ ઓર્ગેનાઈઝેશન અનુસાર દર વર્ષે તમાકુના કારણે 80 લાખથી વધુ મોતને ભેટે છે. જેમાંથી 12 લાખ લોકોનું મૃત્યુ સેકન્ડ હેન્ડ સ્મોકના સંપર્કમાં આવવાને કારણે થાય છે. વિશ્વભરમાં તમાકુનો સૌથી વધુ સિગારેટ તરીકે ઉપયોગ કરવામાં આવે છે. આજે ‘વર્લ્ડ નો ટોબેકો ડે’ના દિવસે અમે તમને જણાવીશું કે, સિગારેટ છોડવાથી શરીરમાં કેવા ફેરફાર થાય છે અને આરોગ્ય પર શું અસર થાય છે. 

સિગારેટમાં ખૂબ જ વધુ માત્રામાં તમાકુ હોય છે. જેનાથી કેન્સર, હ્રદય રોગ, ફેફસાની બિમારી સહિત અનેક બિમારી  થવાનું જોખમ વધી જાય છે. સિગારેટ પીવાથી સ્મોકર્સ તથા તેમની આસપાસના લોકો પર ખૂબ જ ગંભીર અસર થાય છે. સિગારેટમાં નિકોટીન હોય છે. નિકોટીન એક સ્ટિમ્યૂલેંટ ડ્રગ છે. તમાકુની તમામ પ્રોડક્ટમાં નિકોટીન હોય છે, જેના કારણે વ્યક્તિ એડિક્શનનો શિકાર થાય છે. સિગારેટનું સેવન કરવાથી શરીરને નિકોટીનની આદત પડી જાય છે. જેના કારણે બ્લડ પ્રેશર તથા હાર્ટ બીટ વધી જાય છે અને બ્રેઈન તતા બોડી ગંભીર રીતે અસરગ્રસ્ત થાય છે. સિગારેટના એક પેકેટમાં 22 mg થી 36 mg નિકોટીન હોય છે. 

અચાનક સિગારેટ છોડવાથી શું થાય છે?
સિગારેટ પીવાથી શરીરને નિકોટીનની આદત પડી જાય છે અને અચાનક સિગારેટ છોડવાથી પરેશાની પણ થાય છે. શરીરને નિકોટીનની ક્રેવિંગ હોય છે અને કોઈપણ કામમાં મન લાગતું નથી. સિગારેટ છોડવાથી લોકોને બેચેની, ઊંઘની પરેશાની, ચિડીયાપણું, ચિંતા, વધુ ભૂખ લાગવી તથા વજન વધવા જેવી પરેશાનીઓનો સામનો કરવો પડે છે. સિગારેટ છોડવાના 2થી 4 સપ્તાહમાં આ પ્રકારની પરેશાની દૂર થાય છે. સિગારેટ છોડવી તે ખૂબ જ મુશ્કેલ હોય છે, પરંતુ આરોગ્ય માટે લાભકારી છે. આ પ્રકારે કરવાથી ગંભીર બિમારીઓનું જોખમ ઓછું રહે છે અને શરીર મજબૂત બને છે. 

સિગારેટ છોડવાના ફાયદા

• સિગારેટ છોડવાથી આરોગ્યમાં સુધારો થાય છે અને લાઈફની ક્વોલિટી વધી જાય છે. 
• પ્રિમેચ્યોર ડેથનું જોખમ ઓછું હોય છે, 10 વર્ષ સુધી લાઈફ એક્સપેક્ટેંસી વધી શકે છે. 
• કાર્ડિયોવેસ્કુલર ડિસીઝ, કેન્સર અને પલ્મોનરી ડિસીઝનું જોખમ ઓછું રહે છે. 
• કોરોનરી હાર્ટ ડિસીઝ તથા ક્રોનિક પલ્મોનરી ડિસીઝના દર્દીઓને રાહત મળે છે. 
• ગર્ભવતી મહિલાઓ તથા ભ્રૂણના આરોગ્યમાં સુધારો થઈ શકે છે. 

(Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.)