ક્રિકેટ / અમદાવાદમાં ચાલુ મેચમાં શુભમનને આ શું બોલ્યો રોહિત શર્મા! હેડફોન લગાવીને સાંભળવો પડશે વીડિયો

• ફીલ્ડિંગ દરમિયાન રોહિત શર્માએ ગિલને કહ્યા અપશબ્દ 
• સોશિયલ મીડિયા પર વાયરલ થઈ રહ્યો છે રોહિતનો વિડીયો 

ભારત અને ઓસ્ટ્રેલિયા વચ્ચે હાલ બોર્ડર-ગાવસ્કર ટ્રોફી ટેસ્ટ સિરીઝની ચોથી ટેસ્ટ મેચ અમદાવાદના નરેન્દ્ર મોદી ક્રિકેટ સ્ટેડિયમમાં રમાઈ રહી છે. જણાવી દઈએ કે આ મેચમાં ઓસ્ટ્રેલિયાની ટીમે પ્રથમ દાવમાં 480 રન બનાવ્યા હતા ટેસ્ટ મેચના આજે ત્રીજા દિવસે હાલમાં ટીમ ઈન્ડિયા ઘણી પાછળ ચાલી રહી છે. હાલ ટીમ ઈન્ડિયા મેચ જીતવાના પૂરા પ્રયાસ કરી રહી છે આ દરમિયાન કેપ્ટન રોહિત શર્માનો એક વીડિયો સોશિયલ મીડિયા પર વાયરલ થઈ રહ્યો છે.

ફીલ્ડિંગ દરમિયાન રોહિત શર્માએ ગિલને કહ્યા અપશબ્દ 
ભારત અને ઓસ્ટ્રેલિયા વચ્ચે ચાલી રહેલી ચોથી ટેસ્ટના બીજા દિવસે ભારતીય કેપ્ટન રોહિત શર્મા ગુસ્સામાં જોવા મળ્યો હતો અને એક સમય એવો આવ્યો જ્યાં એને તેના યુવા ઓપનર પાર્ટનર શુભમન ગિલને ઠપકો આપ્યો હતો. જો કે એ પરિસ્થિતિમાહળવા અંદાજમાં હિટમેને શુભમન ગિલ સામે અપશબ્દોનો ઉપયોગ કરતો જોવા મળ્યો હતો. હાલ એવું માનવામાં આવી રહ્યું છે કે રોહિતે મેચ દરમિયાન ગિલના અયોગ્ય વલણની પ્રતિક્રિયા તરીકે આ વર્તન કર્યું હતું.

સોશિયલ મીડિયા પર વાયરલ થઈ રહ્યો છે રોહિતનો વિડીયો 
જણાવી દઈએ કે આ ઘટના ભારતની ફિલ્ડિંગ દરમિયાન બની હતી. મેચના બીજા દિવસે શુક્રવારે ઓસ્ટ્રેલિયા બેટિંગ કરી રહ્યું હતું અને 133મી ઓવરનો વિડીયો હાલ વાયરલ થઈ રહ્યો છે. એ સમયે ઓસ્ટ્રેલિયાએ 384 રનમાં 6 વિકેટ ગુમાવી દીધી હતી અને ઓપનર ઉસ્માન ખ્વાજા 164 અને મિચેલ સ્ટાર્ક ચાર રન બનાવીને ક્રિઝ પર હાજર હતા. એ સમયે સ્ટમ્પ માઈક પર રોહિત શર્માનો અવાજ રેકોર્ડ થયો હતો. જો કે આ ઘટના કેમેરામાં કેદ થઈ શકી ન હતી કારણ કે બ્રોડકાસ્ટર્સ તે સમયે સ્ટેડિયમમાં બેઠેલા દર્શકોના શોટ્સ બતાવી રહ્યા હતા. 

નોંધનીય છે કે વાંધાજનક હોવાને કારણે અમે આ વિડિયો અહીં શેર કરી શકતા નથી.