ક્રિકેટ / આ દિગ્ગજ ક્રિકેટર હાઈવે પર કાર અકસ્માતમાં થયો ઘાયલ, રોહિત શર્મા સાથે છે ખાસ કનેક્શન

• વેસ્ટઇન્ડીઝના ફાસ્ટ બોલરને નડ્યો અકસ્માત 
• ગયા સીઝનમાં રાજસ્થાન રોયલ્સે બેઝ પ્રાઈસ પર ટીમમાં સામેલ કર્યો હતો

વેસ્ટઇન્ડીઝના ફાસ્ટ બોલર ઓશાને થોમસની કારનું અકસ્માત થયું છે, જે બાદ તેમને હોસ્પિટલમાં દાખલ કરવામાં આવ્યા છે. ઓશાનેએ વેસ્ટઇન્ડીઝ તરફથી છેલ્લી મેચ જાન્યુઆરી મહિનામાં રમી હતી. 23 વર્ષના બોલર આજ સુધી વેસ્ટઇન્ડીઝ તરફથી 20 વન ડે અને 10 ટી 20 મેચ રમી છે. વેસ્ટ ઇન્ડીઝ પ્લેયર્સ અસોશિયને તેમની જલ્દી સાજા થવાની પ્રાર્થના કરી છે. 

વેસ્ટઇન્ડીઝ પ્લેયર્સ અસોશિયેશને કહ્યું કે 'અમારી સંવેદનાઓ ઓશાને થોમસની સાથે છે, અમે તેમના સ્વસ્થ થવાની પ્રાર્થના કરીએ છે. ' ઓશાને રવિવારે રાત્રે કારથી ઘરે જઈ રહ્યા હતા અને હાઈવે પર તેમની કાર બીજી કાર સાથે અથડાઈ ગઈ. હાલમાં તે હોસ્પિટલમાં છે અને સ્થિતિ સ્થિર છે. 

ભારત સાથે ખાસ કનેક્શન 

આઈપીએલની ટીમ રાજસ્થાન રોયલ્સે પણ આ ખેલાડીને પોતાની ટીમમાં બેઝ પ્રાઈઝ પર વર્ષ 2019માં સામેલ કર્યો હતો. જેમાં થોમસે 4 મેચમાં પાંચ વિકેટ લઈને શાનદાર પ્રદર્શન કર્યું હતું. આ ખેલાડીનું રોહિત શર્મા સાથે ખાસ કનેક્શન છે. નવેમ્બર 2018માં ભારત અને વેસ્ટઇન્ડીઝ વચ્ચે મેચ યોજાઈ હતી. પાંચ વન ડે છેલ્લી મેચમાં રોહિત શર્માને ઓશાનેએ આઉટ કરી દીધા પરંતુ તે બોલ નો-બોલ નીકળી જે બાદ રોહિત શર્માએ તેઓ ભરપુર ફાયદો ઉઠાવ્યો. રોહિતની સદીની મદદથી ભારતે જીત નોંધાવી હતી.