સાપ્તાહિક રાશિફળ / આ 6 રાશિના જાતકો માટે આવનારું અઠવાડિયું રહેશે ઉત્તમ, નોકરી અને વેપારમાં પણ થઈ શકે છે મોટો ફાયદો

• જાણો 18થી 24 જાન્યુઆરીનું રાશિફળ
• આ 6 રાશિના જાતકોને મળી શકે છે સફળતા
• નોકરી અને વેપાર કરનારા માટે ઉત્તમ સમય

વૃષભ

આ સમયે કાર્યોમાં સફળતા મેળવવાનો પ્રયાસ કરવાનો રહેશે. સૌભાગ્યની સાથે લાંબા સમયથી અટકેલા કામ પૂરા થશે અને સપ્તાહના અંતમાં તમે ચિંતામાં ઘટાડો અનુભવશો અને સાથે ભવિષ્યને માટે કામ ધંધાનો પણ સુખદ યોગ બનશે. યુવાઓને માટે રોજગારના અવસર બની રહ્યા છે તો મહિલાઓ અને વિદ્યાર્થીઓ માટે સમય સારો રહેશે. પ્રેમ પ્રસંગમાં સફળતા મળશે અને સાથે યુવાઓ વધારે સમય મોજ મસ્તીમાં વીતાવશે. નાની સુખદ યાત્રાના યોગ પણ બની રહ્યા છે. 

શુભ અંક -2
શુભ રંગ - બ્રાઉન
સફળતાનું સૂત્ર - અવસરનો લાભ ઉઠાવો
ઉપાય- ગાયને ચણાની દાળ ખવડાવો. ઓમ શુ શુક્રાય નમઃ મંત્રો જાપ કરો. 

 સિંહ

આ રાશિના જાતકોએ આ અઠવાડિયે પોતાની વાણી પર અને વ્યવહારમાં ધ્યાન આપવાની જરૂર છે. સપ્તાહના આરંભમાં આ રાશિના જાતકોની પરિવાર, સંબંધી અને મિત્રો સાથે ખેંચાણ રહે તે શક્ય છે. આ સમયે વેપારીઓને રોકાણમાં સાવધાની રાખવી પડી શકે છે. શેરબજારમાં જોખમ  ન લેવાની સલાહ આપવામાં આવી છે. નોકરીવાળા લોકોને કાર્યમાં થોડી સમસ્યા આવી શકે છે. વિદ્યાર્થીઓ માટે સારો સમય છે. પ્રેમપ્રસંગમાં અસમંજસ રહી શકે છે. જીવનસાથીની ભાવનાઓની કદર કરશો અને સાથે સપ્તાહના અંતમાં લાબા અંતરની યાત્રા થી શકે છે. માતાની હેલ્થની ચિંતા રહી શકે છે. 

શુભ અંક -5
શુભ રંગ - જાંબલી
સફળતાનું સૂત્ર -  ક્રોધ અને અભિમાન કરવાથી બચો
ઉપાય - ગુરુજનોની સેવા કરો અને સાથે હળદરનું તિલક કરો. ઓમ નમો ભગવતે વાસુદેવાય મંત્રનો જાપ કરો.

તુલા

તુલા રાશિના જાતકો માટે આ અઠવાડિયું નવી સંભાવનાઓ અને અવસરો આપનારું સાબિત થશે. સપ્તાહની શરૂઆતમાં કોઈ વ્યક્તિ વિશેષને મદદથી કાર્ય પાર પડશે. આ સાથે કેરિઅર અને કારોબારમાં પ્રગતિનો યોગ બનશે. પરિવાર કે સંબંધીઓની સાથે ખુશીઓ મનાવી શકાશે. વ્યાપારીઓનો આ સમયે લાભ થઈ શકે છે. પ્રેમ સંબંધોમાં મધુરતા બની રહેશે અને સાથે મહિલા મિત્રની મદદથી તમારા સંબંધો વિકાસ પામી શકે છે. સંતાન તરફથી કોઈ  સુખદ સમાચાર મળવાથી પરિવારમાં ખુશીઓનો માહોલ બની રહેશે. 

શુભ અંક -2
શુભ રંગ - પીળો
સફળતાનું સૂત્ર -  વિશ્વાસ પૂર્વક કામ કરો
ઉપાય- માછલીઓને લોટની ગોળી ખવડાવો. પોતાના કુળદેવની ઉપાસના કરો.
 

વૃશ્વિક 

આ રાશિના જાતકો માટે આ અઠવાડિયું મિશ્રફળ આપનારું રહેશે. સપ્તાહના આરંભમાં કાર્યોમાં થોડી મુશ્કેલીઓ આવી શકે છે. પરંતુ પછી તેમાં સફળતા મળશે  પરિવારિક સમસ્યાઓ અને વિચારોથી મુક્તિ મળશે. મનમાં ઉત્સાહ અને સકારાત્મક વિચારો આવશે. વ્યાપારીઓ માટે સારો સમય છે. ભૂમિ- ભવન અને ધનના રોકાણ માટે શુભચિંતકોની મદદ લો. પ્રેમ પ્રસંગમાં મજબૂતી આવશે, વિદ્યાર્થીઓ અને યુવાઓ તથા મહિલાઓ માટે સમય અનુકૂળ રહેશે. 

શુભ અંક - 7
શુભ રંગ - ગુલાબી
સફળતાનું સૂત્ર- ઉતાવળ ન કરો.
ઉપાય - હનુમાનજીને સિંદૂર ચઢાવો. ઓમ હં હનુમતે નમઃ મંત્રનો જાપ કરો. 
 

ધન

આ રાશિના જાતકો માટે આ અઠવાડિયે સમયનું પ્લાનિંગ મહત્વનું રહેશે. સપ્તાહની શરૂઆતમાં કોઈ પ્રભાવી વ્યક્તિ સાથે મુલાકાત કરી શકશો. તેમની મદદથી લાંબા સમયથી અટકેલા કામ પૂરા થશે. મિત્રો, શુભ ચિંતકો અને સિનિયર્સનો સહયોગ મળશે. અવિવાહિત લોકોના લગ્ન નક્કી થઈ શકે છે. જીવનસાથીનો સહયોગ મળી શકશે. આર્થિક દબાણ ઘટશે અને સાથે નવા સહયોગીઓ મળશે. મહિલા પ્રોફેશનલ માટે સારો સમય છે. સપ્તાહના અંતમાં ધાર્મિક કાર્યોમાં વધારે સમય પસાર થઈ શકે છે. પરીક્ષા પ્રતિયોગિતાની તૈયારીમાં જોડાયેલા વિદ્યાર્થીઓને સારા સમાચાર મળી શકે છે.

શુભ અંક - 9
શુભ રંગ- પીળો
સફળતાનું સૂત્ર- સકારાત્મક વિચારો રાખો
ઉપાય - ભગવાન વિષ્ણુના મંદિરમાં ગોળ અને ચણાની દાળ પીળા કપડામાં બાંધીને રાખો. અને સાથે વિષ્ણુ સહસ્ત્રનામનો પાઠ કરો. 
 
મીન

આ રાશિના જાતકો માટે આ અઠવાડિયું તેમની હેલ્થ અને સંબંધો પર ભાર આપવાનું છે. ઘરની સાથે જોડાયેલા વિવાદનું સમાધાન શોઘી રહ્યા છો તો ઘરના વડીલોની વાતને ધ્યાન આપો. કાર્યસ્થળ પર ગુપ્ત શત્રુથી સાવધાન રહો. સપ્તાહના મધ્યમાં નવી યોજનાઓની રૂપરેખા બનશે. પહેલા કરાયેલા રોકાણનો રસ્તો મળી શકે છે અને તેનાથી લાભ પણ થઈ શકે છે. નાના દુકાનદારોના કારોબારમાં વૃદ્ધિ થઈ શકે છે. જામ્પત્ય સંબંધોમાં એકમેકનું ધ્યાન રાખો અને પ્રેમ સંબંધોમાં કોઈ અસમંજસ હોય તો તેને ઉકેલો અને પોતે આગળ વધીને પહેલ કરો. નહીં તો વાત બગડી શકે છે. જીવનસાથીનો સહયોગ કાયમ મળી રહેશે.

શુભ અંક - 4
શુભ રંગ - સ્લેટી
સફળતાનું સૂત્ર - કલ્પનાના પ્રવાહમાં ન વહી જાઓ
ઉપાય - ગુરુજનોની સેવા કરો અને શ્રી કૃષ્ણ શરણમ મમઃ મંત્રનો જાપ કરો.