પારકી પંચાત / VIDEO : 'ચાંદલો લગાડ, તારો પતિ જીવે છે' મહિલા દિવસે મહિલાને જોઈને બરાડ્યાં નેતાજી, વાંધાજનક વીડિયો વાયરલ

• કર્ણાટક ભાજપ સાંસદ એસ.મુનિસ્વામીએ વિવાદ ઊભો કર્યો
• મહિલા દિવસે કાર્યક્રમે કપડાં વેચતી મહિલાને પૂછ્યું વાંધાજનક
• મહિલાએ કપાળમાં નહોતો લગાવ્યો ચાંદલો
• કહ્યું તારો પતિ જીવતો છે, ચાંદલો લગાડ 

મહિલા દિવસે કર્ણાટક ભાજપના સાંસદ એસ મુનિસ્વામીએ એક મહિલાને વાંધાજનક સલાહ આપતા વિવાદ ઊભો થયો છે.  ભાજપના સાંસદનો આ વીડિયો સોશિયલ મીડિયા પર વાયરલ થઇ રહ્યો છે, જેમાં લોકો તેમની નિંદા કરી રહ્યા છે. ખાસ કરીને મહિલા દિવસ નિમિત્તે મહિલાઓ સાથેના આવા વર્તન અંગે વાંધા ઉઠાવવામાં આવી રહ્યા છે. 

"Wear a Bindi first. Your husband is alive, isn't he. You have no common sense" says this #BJP MP #Muniswamy to a woman vendor.#Karnataka #Kolar #WomensDay pic.twitter.com/YSedSDbZZB

— Hate Detector 🔍 (@HateDetectors) March 9, 2023

કપડાં વેચી રહેલી મહિલાને શું સલાહ આપી ભાજપ સાંસદે 
સાંસદ એસ મુનિસ્વામીએ કોલાર જિલ્લામાં પહોંચ્યાં હતા અને અહીં તેમના ધ્યાનમાં એક એવી મહિલા આવી કે જેણે કપાળમાં ચાંદલો લગાડ્યો નહોતો. આ જોઈને નેતાજી ભડકી ઉઠ્યાં અને મહિલાને પૂછ્યું કે તે તારા કપાળ પર ચાંદલો કેમ લગાડ્યો નથી. પહેલા બિંદી લગાડ, તારો પતિ જીવે છે કે નહિ? શું તારામાં જરા જેટલી પણ અક્કલ નથી. 

સાંસદની વાંધાજનક સલાહ પસંદ ન પડી લોકોને 

ગુરુવારથી વાયરલ થઇ રહેલા આ વીડિયોમાં ભાજપના સાંસદ મહિલાને ઠપકો આપતા નજરે પડી રહ્યા છે. આ વીડિયો કર્ણાટકના કોલારમાં મહિલા દિવસનો કાર્યક્રમ છે, જ્યાં ભાજપના સાંસદ મહેમાન બન્યા હતા. કોંગ્રેસ સાંસદ કાર્તિ ચિદમ્બરમે પણ ટ્વીટ કરીને આ વીડિયો પર હુમલો કર્યો છે. લોકોએ આ વીડિયોની ટીકા કરી છે. મહિલા દિવસે જ મહિલાઓને આ પ્રકારની વાંધાજનક સલાહ આપવી કેટલી યોગ્ય તેને લઈને સવાલ ઊભા થયાં છે.