WazirX એ શરૂ કર્યું દેશનું સૌથી પહેલું માર્કેટ પ્લેસ NFT, જેમાં કોઈ લિસ્ટિંગ પ્રાઇઝ નહીં હોય
WazirXએ NFT નું ટ્રેડિંગ કરવા માટે માર્કેટ પ્લેસ શરૂ કર્યું
15 ક્રિએટર્સનો સમાવેશ કરવામાં આવ્યો છે
દેશમાં ક્રિપ્ટોકરન્સીને લઈ કોઈ પણ પ્રકારની સ્પષ્ટતા છે જ નહીં
WazirXએ NFT નું ટ્રેડિંગ કરવા માટે માર્કેટ પ્લેસ શરૂ કર્યું
દેશની સૌથી મોટી ક્રિપ્ટોકરન્સી એક્સ્ચેન્જ WazirXએ NFT નું ટ્રેડિંગ કરવા માટે માર્કેટ પ્લેસ શરૂ કર્યું છે. WazirXના NFT માર્કેટપ્લેસ એડવાઇઝર વિશાખા સિંહે જણાવ્યું છે કે "અમારા કલેક્ટર્સ અને લગભગ 50 લાખ WazirX ક્રિપ્ટોકરન્સીએ અમને દેશમાં NFTને મજબૂત કરવા માટે ઉત્સાહિત કર્યા છે. માર્કેટપ્લેસ પર પહેલેથી 15 ક્રિએટર્સ છે અને આ કલેક્ટર્સ અને ક્રિએટર્સ પાસેથી 15 હજારથી વધુ એપ્લિકેશન મળી છે. આ પ્લેટફોર્મ એ બધા લોકો માટે શરૂ થશે જે લોકો NFTને ખરીદવા કે વેચવા માંગે છે.
15 ક્રિએટર્સનો સમાવેશ કરવામાં આવ્યો છે
આ બાઈનેન્સ સ્માર્ટ ચેઇન પ્લેટફોર્મ દ્વારા ચલાવવામાં આવશે જેને બ્લોકચેઇન પ્લેટફોર્મ અને WazirX પર હક ધરાવતી કંપની બાઈનેન્સ દ્વારા બનાવવામાં આવી છે. આમાં કોઈ લિસ્ટિંગ પ્રાઇઝ નથી. અહીં ડિજિટલ આર્ટિસ્ટ, ફોટોગ્રાફર, કેનવાસ આર્ટિસ્ટ, 3D પેનઇટિંગ બનાવતા કલાકાર, સ્ટ્રીટ આર્ટિસ્ટ અને વિઝ્યુઅલ કલાકારો સહિત 15 ક્રિએટર્સનો સમાવેશ કરવામાં આવ્યો છે. અહિયાં માત્ર ટ્રાન્ઝેક્શન માટે 1 ડોલરની ફી આપવી પડશે. NFT એટલે નોન ફંજિબલ ટોકન.
દેશમાં ક્રિપ્ટોકરન્સીને લઈ કોઈ પણ પ્રકારની સ્પષ્ટતા છે જ નહીં
પણ હાલ એક પ્રશ્ન એ છે કે દેશમાં ક્રિપ્ટોકરન્સીને લઈ કોઈ પણ પ્રકારની સ્પષ્ટતા છે જ નહીં. RBIએ બેંકો અને નોન બેન્કિંગ ફાઇનાન્સ કંપનીઓને વર્ચ્યુઅલ કરન્સીને લઈ પોતાના જૂના સર્ક્યુલરની જાણકારી ગ્રાહકોને આપી નથી. આ સર્ક્યુલર બે વર્ષ પહેલા બહાર પાડવામાં આવ્યું હતું પણ સુપ્રીમ કોર્ટે તે ફગાવી દીધું હતું.