પાણીજન્ય રોગચાળો / ચિંતા વધી! કોરોના બાદ અમદાવાદીઓના માથે મંડરાઈ નવી આફત, 10 દિવસમાં 200થી વધુ કેસ નોંધાતા તંત્ર એલર્ટ

• અમદાવાદમાં ઉનાળામાં પાણીજન્ય રોગચાળો વકર્યો
• ચાલુ વર્ષે ઝાડા ઉલટીના કેસોમાં 100%નો વધારો
• ચાલુ વર્ષે એપ્રિલના 10 દિવસમાં જ 210 કેસો નોંધાયા

એક તરફ રાજ્યમાં ગરમીનો પારો સતત ઉંચકાઇ રહ્યો છે એવામાં અમદાવાદમાં તો તાપમાનનો પારો 40ને પાર પહોંચી ગયો છે. ત્યારે અમદાવાદમાં વધતી જતી ગરમી વચ્ચે પાણીજન્ય રોગચાળો પણ વકર્યો છે. ઝાડા-ઉલટીના કેસમાં 100%નો વધારો થયો છે. અમદાવાદમાં એકાએક વાતાવરણમાં ફેરબદલ થતા ઝાડા-ઉલટી અને કમળાના કેસમાં વધારો થયો છે. એપ્રિલ માસમાં જ ઝાડા-ઉલટીના 205 કેસો નોંધાયા છે. ગત વર્ષ કરતા ચાલુ વર્ષે ઝાડા-ઉલટીના કેસોમાં 100%નો વધારો નોંધાયો છે.

ચાલુ વર્ષે એપ્રિલના 10 દિવસમાં જ ઝાડા-ઉલટીના  210 કેસો નોંધાયા

ગત વર્ષે શહેરમાં એપ્રિલ મહિનામાં ઝાડા-ઉલટીના 110 કેસો નોંધાયા હતા તો ચાલુ વર્ષે એપ્રિલના 10 દિવસમાં જ 210 કેસો નોંધાયા છે. જેમાં કમળાના 54 કેસ, ટાઇફોઇડના 50 કેસ નોંધાયા છે.

મેલેરિયાના 8, ડેન્ગ્યુના 5 અને ચિકનગુનિયાના 3 કેસ નોંધાયા

બીજી બાજુ મેલેરિયાના 8, ડેન્ગ્યુના 5 અને ચિકનગુનિયાના 3 કેસ નોંધાયા છે. શહેરના લાંભા, નારોલ, વટવા, રામોલ અને ગોમતીપુરમાં પ્રદૂષિત પાણીની ફરિયાદો પણ સતત વધવા લાગી છે. શહેરમાં 5 દિવસમાં કોર્પોરશન દ્વારા 650 પાણીના નમૂના લેવાયા છે. ચાલુ વર્ષે પાણીના 77 સેમ્પલ અનફિટ આવ્યાં છે.

રાજ્યમાં ગરમીથી આંશિક રાહત મળશે : હવામાન

આ સાથે આજે હવામાન વિભાગ દ્વારા આગાહી પણ કરવામાં આવી છે. જેમાં હવામાન વિભાગે જણાવ્યું છે કે, 'રાજ્યમાં ગરમીથી આંશિક રાહત મળશે. રાજ્યમાં 2 દિવસ સુધી હિટવેવની આગાહી નથી. પરંતુ બે દિવસ બાદ ફરીથી રાજ્યમાં ગરમીનું પ્રમાણ વધશે. જો કે, આગામી 48 કલાક સુધી ગરમીનું પ્રમાણ યથાવત રહેશે. રાજ્યમાં 41 ડિગ્રી તાપમાન રહેશે. ઉત્તર ગુજરાત અને કચ્છમાં 16 તારીખે હીટવેવની અસર વર્તાશે. જ્યારે અમદાવાદમાં 41 ડિગ્રી તાપમાન રહેશે.