શું વાત છે! / VIDEO: ભારતના ક્રિકેટર્સે દનાદન કેચ છોડ્યા, મેદાનની બહાર આ છોકરાએ બોલ લપકીને લૂંટી લીધી મહેફિલ, વીડિયો વાયરલ

• ગઈકાલની વન ડે મેચમાં ટીમ ઈન્ડિયા 9 રનથી હારી ગઈ હતી
• મોહમ્મદ સિરાજે છોડ્યો કેચ 
• રવિ બિશ્નોઈએ ડેવિડ મિલરનો કેચ છોડ્યો હતો

ગઈકાલે સાઉથ આફ્રિકાની સાથેની વન ડે મેચમાં ટીમ ઈન્ડિયા 9 રનથી હારી ગઈ હતી. ગઇકાલની મેચમાં ટીમ ઈન્ડિયાના બોલરોએ ખૂબ જ ખરાબ પ્રદર્શન કર્યું હતું તો તેની સાથે ફિલ્ડરોએ ઘણા કેચ પણ છોડ્યા હતા. કેચ છોડવાની વાતમાં મોહમ્મદ સિરાજ સૌથી આગળ હતો. ગઈકાલની મેચમાં  મોહમ્મદ સિરાજે અવેશ ખાનની ઓવરમાં ત્રણ વખત બોલ પકડવાનો પ્રયાસ કર્યો હતો પણ તે નિષ્ફળ રહ્યો હતો.

pic.twitter.com/3SaenHvhg9

— ashish kapoor (@ashishkapoor15) October 6, 2022

મોહમ્મદ સિરાજે છોડ્યો કેચ 
ભારત તરફથી ઇનિંગ્સની 38મી  અવેશ ખાને ઓવર કરી હતી અને આ મહત્વની ઓવરમાં ભારતીયોએ ખૂબ જ નબળી ફિલ્ડિંગ કરી હતી. ટીમ ઈન્ડિયાના ખેલાડીઓએ આ ઓવરમાં બે મહત્વપૂર્ણ કેચ છોડ્યા હતા. અવેશ ખાનની આ ઓવરના પહેલા જ બોલ પર સાઉથ આફ્રિકાના હેનરિક ક્લાસને અવેશ ખાન પર લાંબો સ્ટ્રોક માર્યો પણ એ સમયે બોલ ખૂબ જ ઊંચો ગયો હતો. મોહમ્મદ સિરાજે 3 પ્રયાસો બાદ પણ આ સરળ કેચ પકડી શક્યો નહોતો.  આ પછીના આગલા બોલ પર રવિ બિશ્નોઈએ ડેવિડ મિલરનો કેચ છોડ્યો હતો અને એ પછી એમને એક સિક્સ ફટકારી હતી. 

બોલ બોય પકડ્યો કેચ 
રવિ બિશ્નોઈએ  ડેવિડ મિલરનો કેચ છોડ્યો હતો એ પછી ડેવિડ મિલરે તેનો ભરપૂર લાભ લીધો અને એ જ ઓવરના ત્રીજા બોલ પર એક સિક્સ મારી હતી. જો કે આ સિક્સ એટલી લાંબી હતી કે સીધી સ્ટેડિયમમાં પંહોચી હતી. પણ અહિયાં આશ્ચર્યની વાત એ છે કે સ્ટેડિયમમાં ઉભેલા બોલ બોયે ખૂબ જ સરળતાથી એ કેચ કરી લીધો હતો. 

pic.twitter.com/gukMzouJI6

— Richard (@Richard10719932) October 6, 2022

ટીમ ઈન્ડિયાને મળી હાર 
ગઇકાલની એ વનડે મેચમાં ટીમ ઈન્ડિયાના કેપ્ટન શિખર ધવને ટોસ જીતીને પહેલા બોલિંગ કરવાનો નિર્ણય લીધો. પણ ગઈ કાળની મેચમાં ટીમ ઈન્ડિયાના બોલરો ઘણા મોંઘા સાબિત થયા હતા. બોલર રવિ બિશ્નોઈએ 8 ઓવરના ક્વોટામાં 69 રન આપ્યા હતા, તો મોહમ્મદ સિરાજે 8 ઓવરમાં 49 રન અને અવેશ ખાને 8 ઓવરમાં 51 રન આપ્યા હતા. સાથે જ મોહમ્મદ સિરાજે અને  અવેશ ખાન એક પણ વિકેટ મેળવી શક્યા ન હતા. એ કારણે જ સાઉથ આફ્રિકા મોટો સ્કોર કરવામાં સફળ રહી હતી અને ટીમ ઈન્ડિયાને હારનો સામનો કરવો પડ્યો હતો.