ભારતીય ટીમના પૂર્વ ક્રિકેટર વસીમ જાફર સોશિયલ મીડિયા પર ખૂબ સક્રિય રહે છે અને તેઓ પોતાના મજાકીયા અંદાજ માટે જાણીતા છે. આ વખતે પણ કઈક આવુ જ બન્યું છે. ખરેખર, એક ટ્વિટર યૂઝર્સે જાફરની મજાક ઉડાવવાનો પ્રયાસ કર્યો હતો. ત્યારબાદ ક્રિકેટર પોતાને રોકી શક્યો ન હતો અને યૂઝર્સને સણસણતો જવાબ આપ્યો હતો.
પૂર્વ ક્રિકેટર વસીમ જાફર મજાકીયા અંદાજ માટે જાણીતા
એક ટ્વિટર યૂઝર્સે જાફરની મજાક ઉડાવવાનો પ્રયાસ કર્યો
વસીમ જાફરે કડક જવાબ આપી યૂઝર્સની બોલતી બંધ કરી
જાફર પર લગાવ્યો પાકિસ્તાનને સપોર્ટ કરવાનો આરોપ
વસીમ જાફરે પાકિસ્તાન ક્રિકેટ બોર્ડની તરફેણમાં એક ટ્વિટ પોસ્ટ કર્યુ હતુ. તાજેતરમાં ન્યૂઝીલેન્ડની ટીમ પાકિસ્તાનમાં હતી અને સુરક્ષાને ધ્યાનમાં રાખીને ન્યૂઝીલેન્ડ ટીમે પાકિસ્તાનનો પ્રવાસ રદ્દ કર્યો હતો. ત્યારબાદ ઈંગ્લેન્ડ અને વેલ્સ ક્રિકેટ બોર્ડે (ઈસીબી) સુરક્ષાને ધ્યાનમાં રાખી પુરુષ અને મહિલા ટીમોનો રાષ્ટ્ર પ્રવાસ રદ્દ કર્યો. આ દરેક બાબતોને ધ્યાનમાં રાખીને જાફરે પીસીબીના સમર્થનમાં ટ્વિટ કર્યુ. તેમણે લખ્યું, @TheRealPCBની પાસે ECB સાથે નારાજ થવાનું દરેક કારણ છે. રસી પહેલા મહામારી દરમ્યાન પાકિસ્તાન અને વેસ્ટ ઈન્ડીઝે ગયા વર્ષે ઈંગ્લેન્ડનો પ્રવાસ કર્યો હતો. ઈસીબી ઓછામાં ઓછી પરસ્પર મુલાકાતને રદ્દ કરી શકે એમ નથી. ક્રિકેટ પ્રવાસ રદ્દ થવાથી કોઈ ટીમ વિજેતા બનતી નથી.
જાફરે યૂઝર્સને ચૂપ કરી દીધો
જાફરના આ ટ્વિટને પગલે એક યૂઝર્સે તેની મજાક ઉડાવવાનો પ્રયાસ કર્યો. યૂઝર્સે લખ્યું, વસીમ ભાઈ એ જ છે, જેમણે ભારત-પાકિસ્તાનની મેચમાં પાકિસ્તાનને શુભેચ્છા આપે છે, રમત ભાવનાના નામે. જેના પર વસીમ જાફરે એવો સણસણતો જવાબ આપ્યો કે યૂઝર્સે પોતાનું ટ્વિટ ડિલીટ કરી દીધુ. વસીફ જાફરે 2007માં પાકિસ્તાન સામે પોતાની ઐતિહાસિક બેવડી સદીનો સ્ક્રીનશોટ શેર કર્યો. આ સિવાય તેમણે કશું લખ્યુ નહીં. જાફરના આ ટ્વિટનું પ્રશંસકોએ સારું સમર્થન કર્યુ.