કોરોના સંકટ / ઓમિક્રોનને લઈ WHOની ગંભીર ચેતવણી, કહ્યું જોખમ ટળી ગયું તે માનવાની ભૂલ ન કરતા, પ્રતિબંધો હટાવવા ભારે પડશે

• ઓમિક્રોનને લઈને વિશ્વ સ્વાસ્થ્ય સંગઠને આપી ચેતવણી 
• કોરોનાના પ્રતિબંધો હટાવા ભારે પડી શકે છે :WHO
• ઓમિક્રોનનો ખતરો ટળી ગયો તેવું માનવાની ભૂલ ન કરતા :WHO 

વિશ્વ સ્વાસ્થ્ય સંગઠને કોરોના વાયરસને લઈને ફરીથી લોકોને ચેતવણી આપી છે. WHOના કહેવા પ્રમાણે  ઓમિક્રોનની લહેર હજુ પીક પર નથી આવી જેથી તેમનું કહેવું છે કે કોરોના પ્રતિબંધો પર ધીરે ધીરે છૂટછાટ આપવી જોઈએ. મોટા ભાગના દેશોમાં હવે ધીરે ધીરે કોરોના પ્રતિબંધો હટી રહ્યા છે. જેથી તેને ધ્યાનમાં રાખીને WHO દ્વારા આ સૂચના આપવામાં આવી છે. 

પ્રતિબંધો હટના ન જોઈએ: WHO

WHOના અધિકારી મારિયા વેન દ્વારા એવું કહેવામાં આવ્યું કે અમે દરેક દેશોને અપીલ કરીએ છે કે ઘણા દેશોમાં ઓમિક્રોન વેરિએંટની લહેર હજું પીક પર નથી આવી સાથેજ ઘણા દેશો એવા પણ છે કે જ્યા વેક્સિનેશન ઘણા ઓછા પ્રમાણમાં થયું છે. જેથી આવા સમયે કોરોનાને લગતા જે પ્રતિબંધો છે તે હવે હટવા ન જોઈએ. 

સંક્રમણ વધ્યું તો મોતના આકડા વધી શકે છે: WHO 

બીજી તરફ WHOના મહાસચિવે કહ્યું કે ઘણા દેશો એવું માની રહ્યા છે કે વેક્સિનેશનને કારણે ઓમિક્રોનનો ખતરો ટલી ગયો છે. સાથેજ એવું પણ માની રહ્યા છે કે આ વેરિએંટ સંક્રામક જરૂરથી પરંતુ એટલો ઘાતક નથી. જોકે આ માનવું ખોટું છે. WHOના મહાસચિવના કહેવા પ્રમાણે સંક્રમણ જો વધ્યું તો મોતના આંકડા પણ વધી શકે છે.

પ્રોટોકોલનું પાલન થાય તે જરૂરી: WHO 

ઉલ્લેખનીય છે કે વિશ્વ સ્વાસ્થ્ય સંગઠન દ્વારા એવી અપીલ પણ કરવામાં આવી કે અમે એવું નથી કહેતા કે દરેક દેશો લોકડાઉન કરે. પરંતુ દરેક દેશમાં કોરોના પ્રોટોકોલનું પાલન થાય તે ઘણું જરૂરી છે. સાથેજ એવું પણ કહ્યું કે જો કોઈ અન્ય દેશો કોરોનાના નિયમોમાં છૂટછાટ આપે છે તો જરૂરી નથી કે અન્ય દેશ પણ તેને અનુસરે અને તેના જેવું કરે .