- શિયાળામાં આ વસ્તુઓ કરવાની ભુલ ક્યારેય ન કરો
- સ્વાસ્થ્યને ફાયદો નહીં થશે નુકસાન
- જાણો કઈ વાતોનું રાખશો ધ્યાન
શિયાળાની ઋતુમાં કોલ્ડ, ફ્લૂ અને ઈન્ફેક્શન ફેલાવવાનો ખતરો ખૂબ વધી જાય છે. આવી સીઝનમાં ઠંડીથી બચવા માટે લોકો ગરમ કપડા, ગરમ પાણી, ચા-કોફી જેવી વસ્તુઓનું સેવન કરે છે. પરંતુ શું તમે જાણો છો કે ઠંડીથી રાહત મેળવવા માટેના અમુક ઉપાયો તમને મુશ્કેલીઓમાં મુકી શકે છે. જેવા કે વધુ સમય સુધી ગરમ પાણીથી નહાવવાના કારણે શરીરને નુકસાન થાય છે. આવો તમને જણાવીએ કે ઠંડીમાં આપણે કઈ કઈ ભૂલો ન કરવાથી બચવું જોઈએ.
વધુ સમય સુધી ગરમ પાણીથી ન નહાવવું જોઈએ
એક્સપર્ટ્સ અનુસાર શિયાળાની ઋતુમાં મોટાભાગના લોકો ગરમ પાણીથી નહાતા હોય છે. પરંતુ લાંબા સમય સુધી ગરમ પાણીથી નહાવવું આપણી બોડી અને મગજ પર ખરાબ અસર કરે છે. વધારે ગરમ પાણી કેરાટિન નામના સ્કિન સેલ્સને ડેમેજ કરે છે. જેનાથી ત્વચામાં ખંજવાડ, ડ્રયનેસ અને રેશીસની સમસ્યા વધી જાય છે.
ખૂબ વધારે કપડાં
શિયાળાની ઋતુમાં ઘણા લોકો ઠંડી સામે રક્ષણ મેળવવા માટે જેકેટ પર જેકેટ પહેરતા હોય છે. આમ ન કરવું જોઈએ. આમ કરવાથી તમારી બોડી ઓવરહીટિંગનો શિકાર થઈ શકે છે. હકીકતે ઠંડી લાગવાના કારણે આપણું ઈમ્યૂન સિસ્ટમ વ્હાઈટ બ્લડ સેલ્સ પ્રોડ્યુસ કરે છે. જે ઈન્ફેક્શન અને બિમારીઓથી આપણી રક્ષા કરે છે. જ્યારે બોડીના ઓવરહીટ થવા પર ઈમ્યુન કામ નથી કરી શકતુ.
.jpg)
વધુ ભોજન કરવું
શિયાળામાં આપણને વધારે ભૂખ લાગે છે. માટે આપણો ખોરાક અચાનકથી વધી જાય છે. અને આપણે સ્વાસ્થ્યની ચિંતા કર્યા વગર કંઈ પણ ખાવા લાગીએ છીએ. હકીકતે ઠંડી સામે રક્ષણ મેળવવા માટે શરીરની કેલેરી વધુ ખર્ચ થાય છે. જેના કારણે આપણે એક્સ્ટ્રા કેલેરી વાળા ફૂડનું સેવન કરીએ છીએ. એવામાં ભૂલ લાગવા પર ફક્ત ફાઈબર વાળા શાકભાજી કે ફળ જ ખાવા જોઈએ.
કેફીન
શિયાળાની ઋતુમાં શરીરને ગરમ રાખવા ચા અને કોફીનું સેવન કરવામાં આવે છે. પરંતુ તમને કદાચ ખબર નહીં હોય કે ખૂબ વધારે પડતા કેફીનથી શરીરને નુકસાન પહોંચે છે. દિવસભરમાં તમને 2 કે 3 કપથી વધારે કોફી ન પીવી જોઈએ.
ઓછુ પાણી પીવુ
શિયાળામાં લોકોને ઓછી તરસ લાગવાના કારણે પાણી ઓછું પીવામાં આવે છે. પરંતુ તેનો એવો મતલબ નથી કે શિયાળામાં શરીરને પાણીની જરૂર નથી. યુરીનેશન, ડાયઝેશન અને પરસેવામાં પાણી શરીરમાંથી બહાર નિકળી જાય છે. એવામાં પાણી ન પીવાના કારણે બોડી ડીહાઈડ્રેટ થવા લાગે છે. તેનાથી કિડની અને ડાયઝેશનની મુશ્કેલીઓ વધે છે.
