વારિસ પંજાબ દે પ્રમુખ અને ખાલિસ્તાન સમર્થક ભાગેડુ અમૃતપાલસિંહનો વધુ એક ફોટો સામે આવ્યો છે જેમાં તે મોટરગાડી પર બેઠેલો નજરે પડે છે.
અમૃતપાલસિંહનો વધુ એક ફોટો આવ્યો સામે
મોટરગાડી પર બાઈકની સાથે દેખાઈ રહ્યો છે અમૃતપાલ
SSP સ્વર્ણદીપસિંહે આપી તમામ માહિતી
વારિસ પંજાબ દે પ્રમુખ ભાગેડુ અમૃતપાલસિંહનો વધુ એક ફોટો સામે આવ્યો છે જેમાં તે એક મોટરગાડી પર બેઠેલો નજરે પડે છે. આ મોટરગાડી પર એક બાઈક પણ દેખાઈ રહી છે. માનવામાં આવી રહ્યું છે કે તેની બાઈકમાં ઓઈલ સમાપ્ત થયું હશે કે પછી તે બગડી ગઈ હશે.
"When Police chased them,they escaped to a Gurudwara &overpowered a Granthi into giving clothes. They spent 40-45 min there. They called for bikes&escaped," SSP Jalandhar Rural, Swarandeep Singh on what transpired at Nangal Ambian Gurudwara where Amritpal Singh fled to with aides pic.twitter.com/FPIf8qWaMY
બાઈક લઈને થયો ફરાર
આ પહેલાં જણાવવામાં આવી રહ્યું હતું કે જાલંધર પોલીસે તે બાઈક જપ્ત કરી લીધી છે જેનાથી અમૃતપાલ ભાગ્યો હતો. જાલંધર ગ્રામીણનાં SSP સ્વર્ણદીપસિંહે જાણકારી આપી છે કે જ્યારે પોલીસ પીછો કરી રહી હતી ત્યારે અમૃતપાલ એક ગુરુદ્વારામાં ગયો હતો અને ગ્રંથીને કપડાં આપવા માટે ફરજ પાડી હતી.ત્યાં તેણે 40-45 મિનીટ લગાવ્યાં. ત્યારબાદ તેણે બાઈક મંગાવી અને ફરાર થઈ ગયો. બાઈકને જપ્ત કરવાની જાણકારી SSP સ્વર્ણદીપસિંહે આપી છે.
મંગળવારે પોલીસે લોકોને કરી અપીલ
મંગળવારે પોલીસે એક CCTV ફુટેજ પણ જાહેર કરી હતી. શંકા છે કે અમૃતપાલસિંહ કપડાં બદલી અને ગુલાબી પાઘ પહેરીને બાઈકથી ભાગ્યો છે. પોલીસે ફોટો શેર કરતાં લોકોને અપીલ કરી હતી કે જો આ ભાગેડુ અમૃતપાલ દેખાય તો તરત જ સૂચના આપવામાં આવે.