ગાંધીનગરઃ ગુજરાતમાં રોજગારી અને ભરતી પર વીટીવી દ્વારા મોટો ઘટસ્ફોટ કરાયો છે. બે વર્ષમાં સરકારે કરેલી નોકરીની જાહેરાત પર વીટીવીનો ઘટસ્ફોટ.
27700 પદ માટે 81 લાખ ઉમેદરાવારોએ નોકરીની અરજી કરી. ગુજરાતના યુવાનોની રોજગારીના નામે મજાક ઉડાવાઇ રહી છે. નોકરીની જાહેરાત પછી પણ બે વર્ષે એક પણ નિમણૂંક નહીં. ગુજરાતમાં બેરોજગાર યુવાનોની હાલત કફોડી બની છે. બે વર્ષમાં સરકારે ભરતી માટે 21 જાહેરાત આપી હતી. 21 જાહેરાતમાંથી 9 વિભાગો માટે જ રાજ્ય સરકાર પરીક્ષા લઇ શકી છે. 9 વિભાગમાંથી લોકરક્ષક અને ટાટની પેપર લીક થયાં. પેપર લીકના કારણે પરીક્ષાઓ રદ કરવી પડી હતી.
બીજા સાત વિભાગમાં લેવાયેલ પરીક્ષામાં હજુ નિમણૂંક નહીં
જાહેરાતના ઘણાં સમય પછી બીજા 9 વિભાગની પરીક્ષા લેવાની બાકી છે. જીપીએસસી રાજ્ય વેરા નિગમની પરીક્ષા લેવાની પણ બાકી છે. પંચાયત તલાટી જુનિયર ક્લાર્ક બિન સચિવાલય કારકુનની પરીક્ષા બાકી છે. વન રક્ષક નાયબ મામલતદારની પરીક્ષા લેવાની હજુ પણ બાકી છે. સુરત મનપાના વર્ગ ચારની જાહેરાત પછી પરીક્ષા લેવાની બાકી છે.
ગુજરાતમાં બેરોજગાર યુવાનો સાથે ક્રુર મજાક
જાહેરાત બાદ જલ્દી ભરતી કરવામાં રાજ્ય સરકાર નિષ્ફળ છે. લાખો યુવાનો બે-બે વર્ષથી તનતોડ મહેનત કરી રહ્યા છે. હોશિયાર યુવાનોની મહેનત પર કોંભાડીઓ હાવી છે. ગુજરાતમાં બેરોજગારી યુવાનોને વાયદાનો વેપાર સરકાર કરી રહી છે.