માલામાલ / વોડાફોનના શેરોએ રોકાણકારોની આંખો ટાઢી કરી, થોડા મહિનામાં જ કર્યા માલામાલ

• વોડાફોન આઈડિયામાં રોકાણ કરનારા રોકાણકારો અત્યારે ખુશ
• કંપનીના શેરોએ થોડા મહિનામાં આ રોકાણકારોને માલામાલ કર્યા
• છેલ્લાં પાંચ મહિનામાં વોડાફોનના શેરમાં સારો ઉછાળો જોવા મળ્યો

શેરની કિંમતમાં વધારો

છેલ્લાં પાંચ મહિનાની વાત કરીએ તો વોડાફોનના શેરમાં સારો ઉછાળો જોવા મળ્યો છે. આ સમયગાળા દરમ્યાન આ શેરે પોતાના રોકાણકારોને ત્રણ ગણુ રિટર્ન આપ્યું છે. ગુરૂવારે વોડાફોન આઈડિયાના શેરની કિંમતમાં 15.38 ટકાનો વધારો જોવા મળ્યો. આ વધારા સાથે વોડાફોનનું શેર માર્કેટ છેલ્લે 16.50 રૂપિયા પર બંધ થયુ. એક રિપોર્ટ મુજબ, કંપનીના શેરમાં આવેલી ગતિ ટેલિકોમ સેક્ટર માટે તાજેતરમાં સરકાર તરફથી ઉપાડવામાં આવેલા પગલાનું પરિણામ છે. છેલ્લાં એક મહિનાની વાત કરીએ તો કંપનીના શેર અંદાજે 60 ટકા ઉપર જતો રહ્યો છે.

કિંમત વધવા પાછળ આ કારણ

ઉલ્લેખનીય છે કે, છેલ્લાં કેટલાંક દિવસથી વોડાફોન આઈડિયાના શેરની કિંમતમાં ઉછાળો આવવા પાછળ ઘણાં કારણો છે. જેમાંથી સરકાર તરફથી ટેલિકોમ કંપનીઓને એજીઆર લેણા, સ્પેક્ટ્રમ પર રાહત પેકેજની જાહેરાતથી પણ વધારે ફાયદો મળ્યો છે. આ સિવાય સૌથી વધુ તેના ટેરિફ પ્લાનમાં વધારો થયો તે પણ છે.