ટેલિકોમ / Vodafoneના ગ્રાહકો માટે સારાં સમાચાર, લોન્ચ કર્યો ધમાકેદાર પ્લાન

• વોડાફોન ગ્રાહકો માટે લાવ્યું ખાસ ઓફર
• કંપનીએ પ્લાન પર ડેટા ડબલ કરી દીધો છે
• હવે નવી ઓફર હેઠળ આ પ્લાન્સમાં યુઝર્સને 3જીબી ડેટા રોજ મળશે

આ એક્સ્ટ્રા ડેટા 249 રૂપિયા, 399 રૂપિયા અને 599 રૂપિયાના પ્લાન પર મળશે. 249 રૂપિયાના પ્લાનની વાત કરીએ તો તેની સાથે યુઝર્સને 28 દિવસની વેલિડિટી મળે છે. 399 રૂપિયાના પ્લાનમાં 56 દિવસની વેલિડિટી મળે છે, જ્યારે 599 રૂપિયાના પ્લાન પર 84 દિવસની વેલિડિટી મળે છે. આ પ્લાનમાં યુઝર્સને દરરોજ 1.5 જીબી ડેટા મળે છે. 

હવે નવી ઓફર હેઠળ આ પ્લાન્સમાં યુઝર્સને 3જીબી ડેટા રોજ મળશે, જે ડબલ છે. આ ઓફર દેશભરના વોડાફોનના ગ્રાહકો માટે છે. આ એક્સ્ટ્રા ડેટા મેળવવા માટે વોડાફોનની વેબસાઈટ અથવા વોડાફોન પ્લે એપનો ઉપયોગ કરી શકો છો. આ પ્લાન્સમાં ડેટા સહિત અનલિમિટેડ વોઈસ કોલિંગ અને રોજના 100 એસએમએસ પણ મળે છે. 

કંપનીની વેબસાઈટ પર આ ઓફર દેખાઈ રહી છે. વેબસાઈટ દ્વારા પણ તમે આ પ્લાનમાં રિચાર્જ કરીને ડબલ ડેટા ઓફરનો લાભ મેળવી શકો છો. વોડાફોન આઈડિયા અત્યારે ખરાબ સમયમાંથી પસાર થઈ રહ્યું છે. એજીઆરની ચૂકવણી બાકી હોવાથી કંપનીએ તેને ચૂકવવા માટે 18 વર્ષનો સમય માંગ્યો છે. 

વોડાફોને સરકારને એક લેટર લખ્યો છે જેમાં ડેટા રેટમાં 7 ગણાનો વધારો કરવાની માંગી છે. આ ઓફર એવા સમયે આવી છે જ્યારે આ કંપની તેના સર્વાઈવલ સમયમાંથી પસાર થઈ રહી છે.