વિટામિન સીથી ભરપૂર ડાયટ લેવી ખૂબ જ જરૂરી છે. વિટામિન સીવાળા ફૂડ્સ ખાવાથી શરીરને અનેક રોગો સામે રક્ષણ મળે છે. ચાલો જાણીએ.
વિટામિન સી શરીર માટે ખૂબ જ જરૂરી છે
તેનાથી શરીરને અનેક રોગો સામે રક્ષણ મળે છે
વિટામિન સી શરીરમાં આયર્નની ઉણપને રોકવામાં મદદ કરે છે
આપણે બધાં જાણીએ છીએ કે રોગપ્રતિકારક શક્તિને મજબૂત કરવા સાથે વિટામિન સી ખૂબ જ જરૂરી છે. આ સિવાય તે હાર્ટના રોગોનો પણ ખતરો દૂર કરે છે. આ સિવાય તે હાઈ બીપીને મેનેજ કરવામાં મદદ કરે છે, શરીરમાં આયર્નની ઉણપને રોકવામાં મદદ કરે છે અને લોહીમાં યુરિક એસિડનું સ્તર ઘટાડે છે. આ સાથે જ વિટામિન સીથી ભરપૂર આહાર પેઢામાંથી લોહી નીકળવાની સમસ્યાને પણ દૂર કરે છે.
જિંજિવાઈટિસનો સંકેત છે પેઢામાંથી લોહી નીકળવું
જો તમારા પેઢામાંથી લોહી નીકળતું હોય તો તમારે દિવસમાં બે વાર બ્રશ કરવું જોઈએ, કારણ કે તે જીંજીવાઇટિસનું લક્ષણ હોઈ શકે છે. જોકે શરીરમાં વિટામિન સીની કમી હોય ત્યારે પણ ઘણી વખત પેઢામાંથી લોહી નીકળવાની સમસ્યા થાય છે.
વિટામીન સીની કમીથી આવે છે પેઢામાં લોહી
જ્યારે પણ કોઈ વ્યક્તિને દાંત અથવા પેઢામાંથી લોહી આવે છે ત્યારે એવું કહી શકાય કે તે યોગ્ય રીતે બ્રશ નથી કરતો અથવા વધારે વખત બ્રશ કરે છે. પરંતુ એ જાણવું મહત્વપૂર્ણ છે કે પેઢામાંથી લોહી કેમ આવે છે. તેની પાછળનું એક કારણ વિટામિન સીની કમી પણ હોઈ શકે છે.
પેઢામાંથી લોહી આવવું અથવા આંખમાંથી લોહી બ્લીડિંગ થવું જેને રેટિનલ હેમરેજિંગ કહેવાય છે. આવું લોહીમાં વિટામિન સીની કમીને કારણે પણ થાય છે. જેથી વિટામિન સીયુક્ત ડાયટ લેવી ખૂબ જ જરૂરી છે.
વિટામીન સી થી ભરપૂર વસ્તુઓનું સેવન કરો
18 થી 65 વર્ષની વયની લોકોએ દરરોજ 40 મિલિગ્રામ વિટામિન સી સેવન કરવું જરૂરી છે. વિટામિન સી શરીરમાં સ્ટોર કરી શકાતું નથી, તેથી તમારે દરરોજ તેની જરૂર પડે છે. જેથી વિટામિન સીવાળા ખોરાક ડાયટમાં લેવા જરૂરી છે. જેમાં નારંગી, મોસંબી, લીંબુ, આમળા, કીવી જેવા ખાટાં ફળ પપૈયું, જામફળ, પીળા અને લાલ કેપ્સિકમ, સ્ટ્રોબેરી, બ્લેકબેરી, બ્લુબેરી, રાસબરી, બ્રોક્લી, પાર્સલે ખાવાથી ફાયદો થાય છે.