હેલ્થ / આ વિટામિનની ઉણપ છે આંખો માટે ખતરનાક, થઇ જાઓ સાવચેત નહીતર પસ્તાવાનો પાર નહી રહે

• વિટામિન સી શરીરનાં સ્વાસ્થ્ય માટે ઉપયોગી 
• આંખોને પણ હેલ્ધી રાખે છે વિટામિન સી 
• વિટામિન સીની ઉણપથી થાય છે ઘણા રોગો 

ઘણા પ્રકારની બીમારીઓથી બચવા માટે વિટામિન્સ મદદ કરે છે. આવામાં શરીરમાં વિટામિન સીનું પણ પુરતા પ્રમાણમાં હોવું ખૂબ જ જરૂરી છે. વિટામિન સી એક એંટીઓક્સીડંટ છે, જે કનેક્ટીવ ટીશ્યૂઝને મજબૂત બનાવે છે અને સાંધાને પણ સપોર્ટ આપવામાં મદદ કરે છે. જો વિટામિન સીનું નિયમિત સેવન કરવામાં આવે તો તે શરીરની ઈમ્યૂન સિસ્ટમને પણ મજબૂત બનાવે છે. શરીરમાં વિટામિન સીની ઉણપથી આપણને ઘણા નુકસાનો થઇ શકે છે. 

ક્યારે થાય છે વિટામિન સીની અછત 
જો તમે સ્મોકિંગ કરો છો, આલ્કોહોલ પીઓ ​​છો, યોગ્ય રીતે જમતા નથી, કોઈપણ પ્રકારની માનસિક બીમારી છે તો તમારા શરીરમાં વિટામિન સીની ઉણપ થઈ શકે છે અને આવી સ્થિતિમાં તમારે વિટામિન સી સપ્લીમેન્ટ લેવું જ જોઈએ.

કેટલી માત્રામાં લેવું જોઈએ વિટામિન સી?
સામાન્ય રીતે, પુરુષોને દરરોજ 90 મિલિગ્રામ અને સ્ત્રીઓને 75 મિલિગ્રામ વિટામિન સીની જરૂર હોય છે. જ્યારે તે પૂર્ણ ન થાય તો શરીરમાં ઘણી સમસ્યાઓ આવી શકે છે.

વિટામિન સીની અછતનાં લક્ષણો 

• રફ વાળ 
• ઘામાં રૂઝ આવતા વધારે સમય લાગવો 
• એનીમિયા (લોહીની અછત)
• પેઢામાં લોહી આવવું 
• ડ્રાય ચામડી 
• દાંતોનું નબળું પડવું 
• મેટાબોલિક ક્રિયાનું ધીમું પડવું 
• સંક્રમણ સાથે લડવાની ક્ષમતામાં અછત 
• હલકો ઘા વાગવાથી પણ લોહી વહેવું 

આંખોને હેલ્ધી રાખે છે વિટામિન સી 
વિટામિન સીમાં એન્ટીઓક્સીડેન્ટ ગુણ હોય છે, જે આંખોને સ્વસ્થ રાખવામાં પણ મદદ કરે છે. જો તમે દરરોજ વિટામિન સીનું સેવન કરો છો, તો તમને મોતિયા જેવા રોગો થવાની સંભાવના ઓછી થશે. જો વિટામિન સીની ઉણપ હોય તો આંખો માટે જોખમ વધી જાય છે.

વિટામિન સીની અછતથી થતી બીમારીઓ 

• ઘણા લોકોને સ્કર્વી રોગ પણ થઇ જાય છે
• નબળાઈ અને થાક લાગે છે 
• દાંત ઢીલા થઇ જાય છે 
• નખ પણ નબળા પડી જાય છે 
• સાંધામાં દુખાવો થાય છે 
• વાળ ખરવા લાગે છે 

વિટામિન સીથી ભરપૂર ફૂડસ 

• આમળા 
• નારંગી 
• લીંબુ 
• સંતરા 
• દ્રાક્ષ 
• ટામેટા 
• સફરજન 
• બોર 
• જેકફ્રૂટ
• ફૂદીનો 
• મૂળાનાં પત્તા 
• સુકી દ્રાક્ષ
• કોબી
• પાલક 
• લીલા ધાણા