વિરાટ કોહલીએ ઈન્સ્ટાગ્રામમાં એક થ્રોબેક ફોટો શેર કરી એક વખત ફરીથી પોતાનુ દુ:ખ દર્શાવ્યું છે. આ તસ્વીર કોહલીના બાળપણની છે. જેમાં તેઓ આહાર લઇ રહ્યાં છે. તાજેતરમાં કોહલી ઘણી જગ્યાએ પોતાનુ દુ:ખ દર્શાવી ચૂક્યા છે.
વિરાટ કોહલીએ ઈન્સ્ટાગ્રામમાં થ્રોબેક ફોટો શેર કર્યો
કોહલીએ એક વખત ફરીથી પોતાનુ દુ:ખ વ્યક્ત કર્યુ
આ તસ્વીર કોહલીના બાળપણની છે
એશિયા કપ 2022માં ભારતીય ટીમની સફર પૂર્ણ
કોહલીએ એશિયા કપમાં પાકિસ્તાન સામે ભારતની હાર બાદ કહ્યું હતુ કે ટેસ્ટ કેપ્ટનશિપ છોડ્યા બાદ તેમને માત્ર એમએસ ધોનીએ મેસેજ કર્યો હતો. એશિયા કપ 2022માં ભારતીય ટીમની સફર પૂર્ણ થઇ છે. ભારતે અફઘાનિસ્તાન સામેની મેચમાં 101 રનથી જીત પ્રાપ્ત કરી વિદાય લીધી. હવે રોહિત શર્માની આગેવાનીવાળી ભારતીય ટીમ ઓસ્ટ્રેલિયા અને સાઉથ આફ્રિકાની સામે યોજાનારી ડોમેસ્ટિક સીરીઝની તૈયારીમાં જોડાઈ ગયા. આગામી ટી-20 વર્લ્ડ કપની દ્રષ્ટીએ ભારત માટે આ સીરીઝ ખૂબ મહત્વની સાબિત થવાની છે.
એશિયા કપમાં વિરાટ કોહલીનો ધમાકેદાર અંદાજ
એશિયા કપમાં ભારતીય ટીમનુ પ્રદર્શન ભલે ખરાબ રહ્યું હોય. પરંતુ પૂર્વ કેપ્ટન વિરાટ કોહલી માટે આ ટુર્નામેન્ટ ખૂબ શાનદાર રહ્યું. કોહલીએ અફઘાનિસ્તાન સામે સદી બનાવીને લગભગ ત્રણ વર્ષની ટીકાને પૂર્ણ વિરામ આપ્યુ. એશિયા કપ 2022માં કોહલીએ 5 મેચમાં 276 રન બનાવ્યાં છે. આ દરમ્યાન તેમણે એક સદી અને બે અર્ધસદી ફટકારી. જો કે, કોહલી વર્તમાન ટુર્નામેન્ટમાં સૌથી વધુ રન બનાવનારા ખેલાડી છે.
વિરાટ કોહલીએ પોતાનુ દુ:ખ દર્શાવ્યું
હવે વિરાટ કોહલીએ ઈન્સ્ટાગ્રામ પર એક થ્રોબેક ફોટો શેર કરી એક વખત ફરીથી પોતાનુ દુ:ખ વ્યક્ત કર્યુ છે. આ તસ્વીર કોહલીના બાળપણની છે. જેમાં તે ખાવાનુ ખાઈ રહ્યો છે. કોહલીએ તસ્વીરના કેપ્શનમાં લખ્યું, ખાવ પીવો મોજ કરો, પરંતુ કોઈનુુ દિલ ના દુખાડો.
પાકિસ્તાન સામે હાર બાદ આપ્યું હતુ આ નિવેદન
કોહલી તાજેતરમાં ઘણી જગ્યાએ પોતાનુ દુ:ખ દર્શાવી ચૂક્યા છે. કોહલીએ એશિયા કપ 2022 સુપરમાં પાકિસ્તાન સામે ભારતની હાર બાદ કહ્યું હતુ કે ટેસ્ટ કેપ્ટનશિપ છોડ્યા બાદ તેમને માત્ર એમએસ ધોનીએ મેસેજ કર્યો હતો. વિરાટ કોહલીએ પત્રકાર પરિષદમાં કહ્યું હતુ, એક વાત તમને જણાવવા માંગુ છુ કે જ્યારે મે ટેસ્ટ કેપ્ટનશિપ છોડી તો મને માત્ર એક વ્યક્તિનો મેસેજ આવ્યો હતો અને તે હતા મહેન્દ્ર સિંહ ધોની. ઘણા લોકોની પાસે મારો નંબર છે અને ઘણા લોકો ટીવી પર મંતવ્યો આપે છે. પરંતુ જે લોકોની પાસે મારો નંબર છે તેમાંથી કોઈએ પણ મને મેસેજ પણ ના કર્યો.