ટીમ ઇન્ડિયાનો કેપ્ટન અને દુનિયાભરના દિગ્ગજ બેટ્સમેનમાં શામેલ વિરાટ કોહલીને ફરી એક વખત વિઝડન લીડિંગ ક્રિકેટર ઑફ ધ યર (Wisden Leading Cricketer) પસંદ કરવામાં આવ્યો છે.
આ ત્રીજી વખત છે જ્યારે વિરાટ કોહલીને વિઝડન લીડિંગ ક્રિકેટર ઑફ ધ યર તરીકે પસંદ કરવામાં આવ્યો છે. વર્ષ 2016, 2017 અને 2018માં પણ કેપ્ટન તથા બેટિંગમાં શાનદાર ફોર્મ કર્યા બદલ તેને વિઝડન લીડિંગ ક્રિકેટર ઑફ ધ યરનુ ટાઇટલ આપવામાં આવ્યુ છે.
વિઝડન અલમાનેક (Wisden Almanack) બુધવારે 10 એપ્રિલના જાહેરાત કરી. વિરાટ કોહલી સિવાય ટૈમી બ્યૂમોંટ, જોસ બટલર, સૈમ કુરન, રાશિદ ખાન (Leading T20 Cricketer of the Year) અને રોરી બર્ન્સને વિઝડન લીડિંગ ક્રિકેટર ઑફ ધ યર તરીકે પસંદ કરવામાં આવ્યા છે. તો બીજી તરફ મહિલા ક્રિકેટમાં ટીમ ઇન્ડિયાની ફિમેલ રન મશીનના નામથી ફેમસ સ્મૃતિ મંધાનાને આ સન્માન મળ્યુ છે.
તમને જણાવી દઇએ કે, વિરાટ કોહલીએ આ વર્ષે 2018માં ઇન્ટરનેશનલ ક્રિકેટના 3 ફોર્મેટમાં કુલ 2735 રન કર્યા છે. જેમાં ઇંગ્લેન્ડ વિરુદ્ઘ ટેસ્ટ સીરિઝમાં 59.3ની એવરેજથી 593 રન કર્યા છે. વિરાટ કોહલી 500થી વધારે રન માત્ર 5 ટેસ્ટ મેચમાં કર્યા છે. ગત વર્ષે ટેસ્ટ ક્રિકેટમાં વિરાટે 5 સેન્ચુરી પણ કરી છે.
મળતી જાણકારી અનુસાર, વિરાટ કોહલીના પહેલા માત્ર ઓસ્ટ્રેલિયાઇ પૂર્વ દિગ્ગજ ખિલાડી સર ડૉન બ્રેડમેન અને ઇંગ્લેન્ડના દિગ્ગજ ક્રિકેટર રહેલા જૈક હોબ્સને 3 વખતથી વધારે વિઝડન લીડિંગ ક્રિકેટર ઑફ ધ યર પસંદ કરવામાં આવ્યા છે.
તો વુમેન ક્રિકેટર ઑફ ધ યરની સિદ્ઘિ મેળવનારા સ્મૃતિ મંધાનાની વાત કરવામાં આવે તો ગત વર્ષે વનડે અને T-20 ક્રિકેટમાં કુલ 1331 રન કર્યા છે. મંધાનાએ વનડે ક્રિકેટમાં 669 અને T-20 ક્રિકેટમાં 662 રન કર્યા છે. આ સાથે જ વુમેન્સ સુપર લીગમાં 174.68ના સ્ટ્રાઇક રેટથી 421 રન કર્યા છે.