ઓસ્ટ્રેલિયા સામે ટેસ્ટ સીરિઝમાં વિરાટ કોહલી માત્ર 8 રન બનાવતા જ એક ખાસ સિદ્ઘિ પોતાના નામે કરી દેશે. તે ઓસ્ટ્રેલિયાના ગ્રાઉન્ડ પર 1000 ટેસ્ટ રન પૂરા કરનારા ભારતનો ચોથો ખેલાડી બની શકે છે. તેના પહેલા સચિન તેંડુલકર વી.વી.એસ લક્ષ્મણ અને રાહુલ દ્રવિડ જ ઓસ્ટ્રેલિયન ધરતી પર ટેસ્ટમાં 1000 રન પૂરા કરી શક્યા છે.
ઓસ્ટ્રેલિયામાં ભારતીય કેપ્ટન વિરાટના નામે હાલમાં 8 મેચોની 16 ઇનિંગમાં 992 રન છે. આ દરમિયાન તેમણે 5 સેન્ચુરી અને બે હાફ સેન્ચુરી બનાવી છે. તેની એવરેજ 62ની છે. તે 8 રન બનાવતા જ પોતાના રનોની સંખ્યા 4 અંકમાં પહોંચાડી દેશે. તેની પાસે સીરિઝ દરમિયાન ઓસ્ટ્રેલિયામાં સૌથી વધારે રન બનવવાના મામલે લક્ષ્મણ અને દ્રવિડને પાછળ છોડવાની તક છે.
ઓસ્ટ્રેલિયા મેદાન પર સૌથી વધારે ટેસ્ટ રન બનાવનારા ભારતીયોની વાત કરીએ તો રિટારયરમેન્ટ લઇ ચૂકેલા સચિન તેંડુલકર પહેલા સ્થાને છે. માસ્ટર બ્લાસ્ટરે 20 મેચોની 38 ઈનિંગમાં 53.20ની એવરેજથી 1809 રન બનાવ્યા છે. અહીં તેમના નામે 6 સેન્ચુરી અને 7 હાફ સેન્ચુરી છે. સચિને ટેસ્ટ કરિયરનો બીજો અણનમ સ્કોર 241 રન ઓસ્ટ્રેલિયાના મેદાન પર જ બનાવ્યો હતો.
બીજા નંબરે ‘વેરી-વેરી સ્પેશિયલ’ વીવીએસ લક્ષ્મણ છે. તેમની પાસે 15 મેચોની 29 ઈનિંગમાં 44.14ની એવરેજથી 1236 રન છે. તેમણે 4 સેન્ચુરી અને 4 હાફ સેન્ચુરી ફટકારી છે. આ દરમિયાન સર્વશ્રેષ્ઠ સ્કોર 178 રન છે.
ત્રીજા નંબર પર ‘ધ વોલ’ રાહુલ દ્રવિડ છે. તેણે 15 મેચની 30 ઈનિંગમાં 43.96ની એવરેજથી 1143 રન બનાવ્યા છે. ઓસ્ટ્રેલિયામાં તેના નામે 1 સેન્ચુરી અને 6 હાફ સેન્ચુરી છે. તેનો બેસ્ટ સ્કોર 233 રન રહ્યો. વિરાટ કોહલીનો નંબર ચોથો છે.