ભારતીય કેપ્ટન વિરાટ કોહલી ટીમ ઇન્ડિયાને ઘણીવાર જીત અપાવી ચુક્યા છે, જોકે આઈપીએલ તરફથી તે કોઈ મોટો કમાલ કરી શક્યા નથી. રોયલ ચેલેન્જર્સ બેંગ્લોર અત્યાર સુધી એક પણ વાર ટ્રોફી જીતી શકી નથી જોકે વિરાટ કોહલી છતાં હંમેશા તે જ ટીમમાં રહેવા માંગે છે. આઈપીએલની શરૂઆત પહેલા કોહલીએ એક વીડિયો શેર કરીને ફેન્સને જણાવ્યું કે આરસીબી તેમના માટે કેટલી મહત્વની છે.
IPL શરુ થાય તે પહેલા કોહલીએ શેર કર્યો વીડિયો
આરસીબીની ટીમમાં વિરાટ કોહલીની સફર પર બન્યો છે વીડિયો
આરસીબી ક્યારેય નહીં છોડે વિરાટ કોહલી
વિરાટ કોહલીએ ઈન્સ્ટાગ્રામ પર એક વીડિયો શેર કર્યો છે જેમાં આરસીબીમાં તેમની સફર દર્શાવવામાં આવી છે. વીડિયોમાં દરવર્ષે વિરાટ કોહલીમાં આવેલ ફેરફાર અને ટીમ પ્રત્યે તેમના લગાવને દર્શાવવામાં આવી છે. જ્યાં કેટલીયે વાર ડ્રેસિંગ રૂમમાં ખેલાડીઓ સાથે મસ્તી કરવી અને મેદાન પર પ્રેક્ટીસ કરતા વિરાટ કોહલી દેખાઈ રહ્યા છે.
આરસીબીમાં રમતા રમતા વિરાટ કોહલી અને એબી ડીવિલિયર્સ વચ્ચે મિત્રતા થઇ અને તે જોતજોતામાં મજબૂત થઇ ગઈ. વીડિયોમાં તે બંનેની મિત્રતાની પળો પણ દર્શાવવામાં આવી છે. કોહલી આ વીડિયોમાં કહે છે કે જે એક્વાર બેંગ્લોરની ટીમમાં આવી જાય પછી ક્યારેય જવા નથી માંગતો. ડીવિલિયર્સ હંમેશા રહેવા માંગે છે. વીડિયોના કેપ્શનમાં વિરાટ કોહલીએ કહ્યું છે કે વફાદારી દરેક ચીજથી ઉપર છે, આઈપીએલની શરૂઆતની રાહ નથી જોઈ શકાતી.
નોંધનીય છે કે લોકડાઉનમાં એબી ડીવિલિયર્સ સાથે એક લાઈવ સેશનમાં તેમણે કહ્યું હતું કે તે ક્યારેય આરસીબીનો સાથ નહીં છોડે. તેમણે કહ્યું હતું કે સત્ર સારું નહી જવા પર ભાવુક થઇ શકાય છે પરંતુ આઈપીએલ રમી રહ્યો છું ત્યાં સુધી આરસીબીનો સાથ નહીં છોડું.
નોંધનીય છે કે આવતા મહીને આઈપીએલ શરુ થવા જઈ રહ્યું છે અને યુએઈમાં આખી ટૂર્નામેન્ટ યોજવામાં આવશે. કોરોના વાયરસના કારણે લીગ આટલી મોડી થઇ રહી છે.