ટ્રાફિક રૂલ્સ / નિયમોની ઐસીતૈસીઃ અમદાવાદના 10 પોલીસ કર્મીનો હેલ્મેટ પહેર્યા વગર બાઈક ચલાવતો વીડિયો વાયરલ

હાલમાં ટ્રાફિકના નિયમોને લઈને સોશ્યિલ મીડિયામાં એક વીડિયો વાયરલ થઈ રહ્યો છે. જેમાં અમદાવાદમાં 10 જેટલા પોલીસ કર્મીઓ હેલ્મેટ વિના બાઈક ચલાવી રહ્યા છે. સરેઆમ ટ્રાફિકના નિયમોનું ઉલ્લંઘન કરનારા પોલીસને કોઈ કંઈ કહેતું નથી. શું તેમને કોઈ કાયદો લાગૂ પડતો નથી? સૂત્રોના જણાવ્યા અનુસાર આ વીડિયો અમદાવાદના બાપુનગર વિસ્તારનો હોવાનું માનવામાં આવી રહ્યું છે. હેલ્મેટ વિના બાઈક હંકારી રહેલા આ પોલીસ કર્મીઓને રાહદારીઓએ ખખડાવ્યા હતા. આ તમામ હોમગાર્ડના જવાનો હોવાનું જણાઈ રહ્યું છે.