OMG / આ સાઉથના સુપરસ્ટારને મળેલી ફિલ્મની ફીનો આંકડો અવિશ્વસનીય, સલમાન-અક્ષય પણ પાણી ભરે

• વિજયને તેની ફક્ત બે ફિલ્મ્સ માટે અધધ 130 કરોડની ફી આપવામાં આવી છે
• બિગિલ ફિલ્મે 300 કરોડનો બિઝનેસ કર્યો હતો

આવી સ્થિતિમાં તાજેતરમાં આઇટી અધિકારી ઓ ફરી એકવાર વિજયના ઘરે પહોંચી ગયા હતા, જ્યાં સર્ચ ઓપરેશન દરમિયાન અધિકારીઓએ અભિનેતા અંગે સનસનાટીભર્યા ખુલાસા કર્યા હતા.

અધિકારીઓના જણાવ્યા અનુસાર વિજયને તેની ફક્ત બે ફિલ્મ્સ માટે અધધ 130 કરોડની ફી આપવામાં આવી છે. વિજયને 'બિગિલ' અને 'માસ્ટર' ફિલ્મ માટે આ ફી મળી છે, જેમાં તેણે બિગિલ માટે 50 કરોડ અને આગામી ફિલ્મ માસ્ટર માટે 80 કરોડ મેળવ્યા છે. જો કે તપાસમાં એવું પણ બહાર આવ્યું છે કે વિજયે આ જંગી ફીનો સંપૂર્ણ ટેક્સ જમા કરાવ્યો હતો. 

આ દરોડો વિજયના ઘરે પહેલો દરોડો નથી પરંતુ આ પહેલાના દરોડા દરમિયાન આવકવેરા અધિકારી ઓ અભિનેતાને તેના સેટ પરથી ઉઠાવીને સાથે લઇ ગયા હતા. તમને જણાવી દઈએ કે વિજયની પાછલી ફિલ્મ 'બિગિલ' સુપરહિટ સાબિત થઈ હતી. વિજયની ફિલ્મે 300 કરોડનો બિઝનેસ કર્યો હતો. 

ફિલ્મની સફળતા પર અભિનેતાએ ફિલ્મની ટીમમાં સોનાની વીંટીઓનું વિતરણ પણ કર્યું હતું.આ દરમિયાન દરોડા દરમિયાન આઈટી અધિકારીઓએ ફાઇનાન્સર અંબુના ઘરેથી રૂ .77 કરોડ જપ્ત કર્યા હતા, જે માટે અંબુ અધિકારીઓને કોઈ કાગળ બતાવી શક્યો ન હતો અને તે જ વિવાદને કારણે આઇટી અધિકારીઓ સુપરસ્ટાર વિજયના ઘરે પણ પહોંચ્યા, જ્યાંથી અધિકારીઓએ 65 કરોડની મોટી રકમ જપ્ત કરી હતી.