મનોરંજન / લાઈગરની નિષ્ફળતા જોઈ સાઉથનો સ્ટાર વિજય થયો ઈમોશનલ, આપ્યું ચોંકાવનારું રિએક્શન

• વિજય દેવરકોંડાની ફિલ્મ લાઈગર રહી બોક્સ ઓફિસ પર ફ્લોપ 
• ફિલ્મની નિષ્ફળતા જોઈ નિરાશ થયા વિજય 
• સોમવારે ફિલ્મે માત્ર દોઢ કરોડની જ કમાણી કરી હતી 

હાલમાં જ સાઉથ સિનેમાનાં સુપર સ્ટાર વિજય દેવરકોંડાની ફિલ્મ લાઈગર સીનેમાઘરોમાં રીલીઝ થઈ છે. ફેમસ ફિલ્મમેકર કરણ જોહરનાં ધર્મા પ્રોડક્શન હેઠળ બનેલી ફિલ્મ લાઈગરથી લોકકોને ઘણી આશા હતી. પરંતુ આ ફિલ્મ પબ્લિકની ડિમાન્ડ પર ખુદને સાબિત ન કરી શકી. જેથી હવે વિજય દેવરકોંડા ઘણા નિરાશ છે. આ વચ્ચે ફિલ્મની અસફળતાને જોતાં વિજય દેવરકોંડાનું ચોંકાવનાર રીએક્શન સામે આવ્યું છે.

લાઈગરની નિષ્ફળતાથી નિરાશ છે વિજય 
નોંધનીય છે કે ફિલ્મ લાઈગરનું ટ્રેલર જ્યારે રીલીઝ થયું હતું, ત્યારે એવું લાગી રહ્યું હતું કે વિજય દેવરકોંડાની આ ફિલ્મ બોક્સ ઓફિસ પર કમાણીના ઘણા રેકોર્ડ તોડશે, પણ ફિલ્મ લાઈગરને જોવા માટે તો સીનેમાઘરોમાંઆ દર્શકો પહોંચી જ નથી રહ્યા, જેને કારણે ફિલ્મનાં શો કેન્સલ કરવામાં આવી રહ્યા છે. આ વચ્ચે એક રિપોર્ટ અનુસાર, વિજય દેવરકોંડા હાલમાં જ પોતાની ફિલ્મ લાઈગરને જોવા માટે હૈદરાબાદનાં થિએટરમાં પહોંચ્યા. પરંતુ વિજયે જોયું કે આ સીનેમાઘરમાં લોકોની સંખ્યા ખૂબ જ ઓછી છે, તો તેઓ ઘણા નિરાશ થયા હતા. ફિલ્મનાં આવા પ્રદર્શનને જોઈને વિજય દેવરકોંડાની આંખો ભીની થઈ ગઈ. 

ફિલ્મ લાઈગર થઈ બોક્સ ઓફિસ પર ફેલ 
25 ઓગસ્ટનાં રોજ સીનેમાઘરોમાંઆ રીલીઝ થયેલ ફિલ્મ લાઈગર બોક્સ ઓફિસ પર કંઇ ખાસ કમાલ ન કરી શકી. ફિલ્મે ઓપનિંગ ડે પર હિન્દી વર્ઝનમાં 5 કરોડ કરતાં વધારેની કમાણી કરી હતી. પરંતુ ત્યાર બાદ કમાણીના આ ગ્રાફમાંઆ સતત ઘટાડો જોવા મળી રહ્યો છે. જેના હેઠળ ફિલ્મે સોમવારે બોક્સ ઓફિસ પર લગભગ દોઢ કરોડની જ કમાણી કરી હતી. આવામાં આ કહેવું ખોટું નહીં થાય કે વિજય દેવરકોંડાની લાઈગરને લોકોએ નકારી દીધી છે. આ ફિલ્મમાં વિજય દેવરકોંડા ઉપરાંત એક્ટ્રેસ રામ્યા કૃષણન, અનન્યા પાંડે અને રોનીત રૉય પણ મુખ્ય ભૂમિકાઓમાં જોવા મળે છે.