લોકડાઉનને કારણે ફિલ્મમેકર્સ હવે OTT પ્લેટફોર્મ પર પોતાની ફિલ્મો રિલીઝ કરવા માટે તૈયાર થઈ રહ્યાં છે. હાલમાં જ અમિતાભ અને આયુષ્માનની ફિલ્મ ગુલાબો સિતાબો 12 જૂનએ એમેઝોન પ્રાઈમ પર રિલીઝ કરવાની જાહેરાત કરવામાં આવી છે. તો હવે વિદ્યા બાલન સ્ટારર ફિલ્મ શંકુતલા દેવીની બાયોપિકનું પ્રીમિયર પણ હવે થિયેટર્સની જગ્યાએ એમેઝોન પ્રાઈમ વીડિયો પર થવા જઈ રહ્યું છે.
આ ફિલ્મમાં વિદ્યા હ્મૂમન કમ્પ્યૂટર કહેવાતી ગણિતશાસ્ત્રી શંકુતલા દેવીની ભૂમિકામાં જોવા મળશે. આ ફિલ્મ ટૂંક સમયમાં ઓનલાઈન રિલીઝ કરવામાં આવશે. જોકે, હાલ તેની રિલીઝ ડેટ એનાઉન્સ કરવામાં નથી આવી. હવે એમેઝોન પ્રાઈમ વીડિયો પર ફિલ્મ શંકુતલા દેવીનું વર્લ્ડ પ્રીમિયર થવા જઈ રહ્યું છે.
એમેઝોન પ્રાઈમ વીડિયોએ આ અંગેની જાહેરાત કરતા જણાવ્યું કે, શકુંતલા દેવી બાયોપિકને 200 દેશો અને પ્રદેશોના ખાસ મેમ્બર્સ માટે પ્રીમિયરનું આયોજન કરવામાં આવશે.
આ ફિલ્મ શકુંતલા દેવીના જીવન પર આધારિત છે. જેઓ સેકન્ડોમાં મુશ્કેલમાં મુશ્કેલ પ્રશ્નનો ઉકેલ લાવવા માટે પ્રસિદ્ધ છે. આ ફિલ્મમાં વિદ્યાની સાથે સાન્યા મલ્હોત્રાએ પણ કામ કર્યું છે. સાન્યા આ ફિલ્મમાં શકુંતલા દેવીની દીકરીની ભૂમિકામાં જોવા મળશે. સાથે જ અમિત સાધ અને જિસ્શુ સેનગુપ્તા પણ મુખ્ય ભૂમિકામાં જોવા મળશે. શકુંતલા દેવીની બાયોપિક અનુ મેનને ડિરેક્ટ કરી છે અને તેમણે જ આ ફિલ્મ લખી છે. આ ફિલ્મ સોની પિક્ચર્સ નેટવર્ક્સ પ્રોડક્શંસ અને વિક્રમ મલ્હોત્રાએ પ્રોડ્યૂસ કરી છે.