વાયરલ / VIDEO : ગંદા પાણીમાં ધોયા કોથમીર-ધાણા, વીડિયો વાયરલ થયા પછી જુઓ શાક વેચનારની કેવી થઈ હાલત

• મધ્યપ્રદેશના ભોપાલની ઘટના
• વીડિયો વાયરલ થયા બાદ કેસ દાખલ
•  શાકભાજી વેચનારે ગંદા પાણીમાં ધોયા કોથમીર 

ગંદા પાણીમાં ખાદ્ય પદાર્થો ધોવાના વીડિયો અવારનવાર વાયરલ થતા હોય છે. હવે ગંદા પાણીમાં કોથમીર ધોવાનો વીડિયો વાયરલ થયો છે. 

શાકભાજીવાળાની સામે કેસ દાખલ 
એક પોલીસ અધિકારીએ મંગળવારે જણાવ્યું હતું કે આ ઘટનાનો વીડિયો સોશિયલ મીડિયા પર વાયરલ થયા બાદ આ કાર્યવાહી કરવામાં આવી હતી. તેમણે કહ્યું કે આ ઘટના શહેરના સિંધી માર્કેટ વિસ્તારમાં બની હતી અને વીડિયોમાં એક વ્યક્તિ આરોપી શાકભાજી વિક્રેતાને કહેતો સંભળાય છે કે ગટરના પાણીમાં શાકભાજી ધોવા નુકસાનકારક છે.

मध्य प्रदेश: भोपाल का एक वीडियो वायरल हुआ है। इसमें एक युवक नाले के पानी में हरी धनिया धुल रहा है। वीडियो बनाने वाला शख्स उसे समझा भी रहा है। इसके बावजूद वह मान नहीं रहा है।#MadhyaPradesh pic.twitter.com/Hx22s0J8bd

— Hindustan (@Live_Hindustan) October 26, 2021

જિલ્લા કલેક્ટર અવિનાશ લાવણ્યાએ જણાવ્યું હતું કે, "આ બાબતની નોંધ લઈને મેં સંબંધિત અધિકારીઓને કાર્યવાહી કરવા નિર્દેશ આપ્યો છે. મેં ખાદ્ય વિભાગ અને સ્થાનિક સરકારના અધિકારીઓને ભેળસેળ અને ગંદકી વિશેની માહિતી મળતાં કડક કાર્યવાહી કરવા જણાવ્યું છે. ''

એક પોલીસ અધિકારીએ જણાવ્યું હતું કે ભોપાલ જિલ્લા ખાદ્ય સુરક્ષા અધિકારી દેવેન્દ્ર કુમાર દુબેએ હનુમાનગંજ પોલીસ સ્ટેશનમાં અજાણ્યા શાકભાજી વિક્રેતા સામે ફરિયાદ નોંધાવી હતી. તેમણે કહ્યું કે તે સિંધી માર્કેટ વિસ્તારમાં ગયો હતો પરંતુ આરોપી શાકભાજી વેચનારને હજી સુધી શોધી શકાયો નથી. પોલીસ તેને શોધી રહી છે.