આરોપ / VIDEO:બુટલેગર પાસેથી 50 હજારનો તોડ કરતો વડોદરાની વાડી પોલીસનો વીડિયો વાયરલ! આક્ષેપ મુદ્દે ACPનું મોટું નિવેદન

• વડોદરાની વાડી પોલીસ પર રૂપિયા પડાવ્યાનો આરોપ
• બુટલેગરે પોલીસ પર 50 હજાર રૂપિયા પડાવ્યાનો કર્યો આક્ષેપ
• 2 પોલીસકર્મીઓએ બુટલેગરને અટકાવી 1.5 લાખની કરી હતી માંગણી

વડોદરામાં બુટલેગર પાસેથી પોલીસે રૂપિયા પડાવ્યા હોવાના ચોંકાવનારા આરોપ લાગતા પોલીસની કામગીરી સામે સવાલો ઉભા થયા છે.બિયરની બોટલ સાથે પકડાયેલા બુટલેગર પાસેથી વાડી પોલીસ સ્ટેશનના 2 કોન્સ્ટેબલોએ પૈસા પડાવી પોલીસે બુટલેગરને છોડી મૂક્યો હોવાના આક્ષેપો થયા છે.
 

અંતે 50 હજાર રૂપિયા લઇ પોલીસે બુટલેગરને છોડી મુક્યો

વડોદરાના વાડી પોલીસ પર 50 હજાર રૂપિયા પડાવ્યાનો બુટલેગરે આક્ષેપ લગાવ્યો છે અને આ અંગેનો બુટલેગરનો વીડિયો પણ વાયરલ થયો છે. જેમાં રૂપિયા લેવા સાથે પોલીસ પર મોબાઈલ અને એક્ટિવા જપ્ત કરવાનો પણ આક્ષેપ લાગ્યો છે. જેમાં બુટલેગર બિયરના 12 ટીન લઇને જતો હતો. આ દરમિયાન આનંદસિંહ અને અન્ય કોન્સ્ટેબલ સહિત 2 પોલીસકર્મીઓએ બુટલેગરને અટકાવી 1.5 લાખની માંગણી કરી હતી. ત્યારબાદ સમાધાન થતા અંતે 50 હજાર રૂપિયા લઇ પોલીસે બુટલેગરને છોડી મુકવામાં આવ્યો હોવાનો મામલો હાલ ગાજી રહ્યો છે.

ACP જી.ડી.પલસાણાએ કહ્યું...
ત્યારબાદ આ મામલે ACP જી.ડી.પલસાણાનું નિવેદન સામે આવ્યું છે. જેમાં તેમણે કહ્યું કે બુટલેગરે લગાવેલા આક્ષેપની ઊંડી તપાસ કરવામાં આવશે. હાલ વીડિયોની તપાસ ચાલી રહી છે.

સગળતા સવાલો

• પોલીસની કામગીરી પર વારંવાર સવાલ કેમ ઉભા થાય છે?
• પોલીસ પોતાની કામગીરી યોગ્યરીતે ક્યારે કરશે?
• શું પોલીસ રાજ્યમાં દારૂના વેચાણને પ્રોત્સાહન આપે છે?
• પોલીસ પોતાની ફરજ કેમ ભૂલે છે?
• થોડા રૂપિયાની લાલચમાં પોલીસકર્મી દૂષણ ફેલાવાનું કામ કેમ કરે છે?
• શું રાજ્યના અન્ય શહેરમાં પણ પોલીસકર્મીઓ તોડ કરે છે?
• બુટલેગરે લગાવેલા આક્ષેપમાં તથ્ય કેટલું છે?
• શું પોલીસના ઉચ્ચ અધિકારીઓ આ મામલે કાર્યવાહી કરશે?
• રૂપિયા લેનારા પોલીસકર્મીઓને સસ્પેન્ડ કરવામાં આવશે કે નહીં?
• પોલીસકર્મીને સરકાર દ્વારા મળતા પગારમાં સંતોષ કેમ નથી થતો?