અકસ્માત / VIDEO : મેરઠમાં કારને 3 કિમી ઢસડીને લઈ ગયો ડંપરવાળો, વીડિયો જોઈને બેસી જશે છાતીના પાટીયાં

• નશામાં ધૂત ડંપર ડ્રાઈવરે વાહનને આપી ટક્કર
• એક કારને 3 કિ.મી સુધી ઘસેડી
• કારમાં 4 લોકો સવાર હતાં

ઉત્તરપ્રદેશ : મેરઠમાં રવિવારે રાત્રે એક ભયાનક અકસ્માતનો બનાવ બન્યો છે. પરતાપુર વિસ્તારમાં નશામાં ધૂત એક ડંપરનાં ડ્રાઈવરે સામેથી આવતી કારને જોરદાર ટક્કર આપી હતી અને આશરે 3 કિલોમીટર સુધી આ કાર ઘસડાઈ ગઈ હતી. પોલીસ તાત્કાલિક ઘટનાસ્થળ પર પહોંચી હતી. 

3 કિ.મી સુધી કારને ઘસડી
દિલ્હી રોડ પર એક ડંપરે અનેક વાહનોને ટક્કર આપી હતી જેમાં એક કારને આશરે 3 કિ.મી સુધી ઘસડીને લઈ ગયો. એક કારને તો સાઈડ મારવાનો પ્રયાસ પણ કર્યો ત્યારે કારચાલકે ડંપરનો પીછો કર્યો. એક જગ્યાએ ડંપર થોભ્યું તો કાર ચાલકે પોતાની ગાડી તેની સામે રાખી અને કારથી ઊતર્યો. તો ડંપર ચાલકે ગેરમાં નાખીને કારને 3 કિ.મી સુધી ઘસડી જવાનાં પ્રયત્નો કર્યાં. 

#Meerut - Drunk container driver rammed the car for several kilometers in film style,
Four youths who were sitting in the car somehow saved their lives by jumping#ViralVideos #viral pic.twitter.com/2t2Pi9vQIh

— Sujit Gupta (@sujitnewslive) February 13, 2023

કારમાં 4 મિત્રો બેઠેલા હતાં...
ડંપર થોભ્યું ત્યારે લોકોએ તેને ચારેય બાજુથી ઘેરી લીધો અને તેને ઢોર માર માર્યો. કાર તો સંપૂર્ણપણે ક્ષતિગ્રસ્ત થઈ ગઈ હતી. કારનાં ચાલક અમિતએ જણાવ્યું કે કારમાં તેના 4 મિત્રો હતાં જેમણે કૂદીને પોતાનો જીવ બચાવ્યો હતો. ઈંસ્પેક્ટર પરતાપુર રામફલસિંહે જણાવ્યું કે 'ડંપર અને ડ્રાઈવર તેમના કબ્જામાં છે. ડ્રાઈવર નશામાં ધૂત લાગી રહ્યો હતો.'