તેરી જીદ,મેરી જીત / VIDEO :સુરતમાં બુલેટ પર 'શોલે'ના જય-વીરુ એ રાત્રી કર્ફ્યુંને ઘોળી ને પીધો, ઊંઘતી રહી પોલીસ

• સુરતમાં કર્ફ્યું કાયદાના લીરે લીરા 
• બુલેટ પરના દૃશ્યો,પોલીસની મજાક સમાન 
• ઊંઘતી પોલીસ ? બેફામ આવારા 

નવા વર્ષની પૂર્વ સંધ્યાએ, રાત્રી કર્ફ્યુની જાણે મજાક ઉડાવી પોલીસ પલટણને પડકાર ફેંકતો એક વિડીયો સામે આવ્યો છે. સુરતમાં એક સરફિરા શખ્સે રાત્રીના કર્ફ્યું વેલા એક સિટર બુલેટ પર, મિત્રના ખભે બેસી સિગારેટના દમ ભરી,એ બતાવી દીધું કે ગમ્મે તેવા રાત્રી કર્ફ્યું વચ્ચે કાયદો તેના ખીસામાં છે. આ વિડીયો વાયરલ થતા,સુરતના પોલીસ બેડામાં ભારે ચકચાર મચી છે.પોરબંદર બાજુનો મનાતો નિક ઓડેદરા રીઢો કહેવાતો ગુનેગાર છે જેના નામે કેટલાય ગુના નોંધાયા છે 

રાજ્ય સરકાર દ્વારા રાજ્યમાં રાત્રી કર્ફયુનો કડક અમલ કરવાના આદેશ આપવામાં આવ્યા છે. ત્યારે સુરતમાં ટ્રાફિક વિભાગ અને પોલીસ ઊંઘતી ઝડપાઈ છે. સુરતમાં રાત્રી કર્ફ્યુના ધજાગરા ઉડાવતો વીડિયો વાયરલ થયો છે. મોડી રાતે જાહેરમાં સ્ટંટ કરતો વીડિયો વાયરલ થયો છે. નિક ઓડેદરા નામના શખ્સે હાથમાં બંદૂક રાખીને વિડીયો ઉતાર્યો છે. સાથે જ બાઈક પર બાઈક ચાલકની ઉપર બેસીને સવારી કરતો વીડિયોમાં જોવા મળી રહ્યો છે. આપને જણાવી દઈએ કે, નિક ઓડેદરા સામે અનેકવાર ગુના નોંધાઈ ચૂક્યા છે. પરંતુ કાયદાને જાણે ધોળીને પી ગયો હોય તેમ તેનું વર્તન જોવા મળી રહ્યું છે. ત્યારે પોલીસની કાર્યવાહી સામે પણ અનેક સવાલો ઊભા થઈ રહ્યા છે.