છાતી સમા પાણીથી ભરાયેલા પાણીમાં ફસાયેલા આ રિક્ષાચાલકનો વીડિયો ભલભલાને રડાવી દે તેવો છે. બિહાર અને યૂપીમાં પૂરની પરિસ્થિતિના કારણે આ વ્યક્તિની હાલત દયનીય બની છે. સોશ્યિલ મીડિયા પર આ વીડિયો વાયરલ થયો છે. જેમાં પ્રકૃતિના કહેર સામે મનુષ્ય લાચાર બન્યો છે.
પટનાના રિક્ષાચાલકનો વીડિયો થયો વાયરલ
આ રિક્ષાચાલકની દયનીય સ્થિતિ દરેકને રડાવશે
બિહાર અને યૂપીમાં પૂરની સ્થિતિને કારણે લોકોની હાલત ગંભીર
ફ્લેટની ગેલેરીમાંથી બનાવાયો હતો વીડિયો
એક ફ્લેટની બાલ્કનીમાંથી લેવાયેલો આ વીડિયો વાયરલ થઈ રહ્યો છે. રિક્ષાચાલક રડતો હોવાથી તેને આશ્વાસન આપવાનો પ્રયાસ કરવામાં આવી રહ્યો છે. જે લોકો વીડિયો બનાવી રહ્યા હતા તેઓએ પણ તેને ઘરની નજીક રિક્ષા પાર્ક કરવા કહ્યું જેથી તેઓ નજર રાખી શકે.
Worst situation at Patna.see how this rickshaw puller is crying..Heartwrenching! pic.twitter.com/FlcAOOn2Mz
હાલમાં પટના સહિત આખા બિહારમાં વરસાદે સામાન્ય લોકોની જીંદગી સ્થાયી કરી દીધી છે. બિહારમાં ભારે વરસાદની સ્થિતિ કાયમ છે ત્યારે રાહતની કોઈ આશા રાખવામાં આવી રહી નથી. પટના સહિત અનેક ભાગોમાં પણ હજુ વરસાદ ચાલુ છે ત્યારે પ્રાકૃતિક આપદા વિભાગે કહ્યું કે બિહારમાં વરસાદના કારણે હાલ સુધી 29 લોકોના મોત થયા છે તો યૂપીમાં કુલ 93 લોકોના મોત થયા છે.