નસીબ / VIDEO: માત્ર એક જ સેકન્ડથી ટ્રેન નીચે મરતા મરતા બચ્યા વૃદ્ધા, વીડિયો જોઈને રૂંવાડા ઊભા થઈ જશે

• લલિતપુર રેલ્વે સ્ટેશનનો વિડીયો વાયરલ 
• એક જ સેકન્ડથી ટ્રેન નીચે મરતા મરતા બચ્યા વૃદ્ધા
• રેલ્વે પોલીસ ફોર્સે ટ્વીટ કરી જવાનની પ્રશંસા કરી 

ઉત્તર પ્રદેશના લલિતપુર સ્થિત રેલવે સ્ટેશનનો એક વીડિયો સોશિયલ મીડિયા પર હાલ વાયરલ થઈ રહ્યો છે. જેમાં જોવા મળે છે કે, કેવી રીતે રેલ્વે પોલીસ ફોર્સ (RPF)ના જવાને દેવદૂતના રૂપમાં આવી વૃદ્ધ મહિલાને મોતના મુખમાંથી ખેંચી લીધા હતા. હકીકતે વૃદ્ધ મહિલા રેલ્વે ટ્રેક ક્રોસ કરીને પ્લેટફોર્મ પર ચઢવાના પ્રયાસ દરમ્યાન આ ઘટના બની હતી. જોકે રેલ્વે પોલીસ ફોર્સના બહાઉર જવાનો તેમને બચાવી લીધા હતા. 

 

લલિતપુર રેલ્વે સ્ટેશનનો વિડીયો વાયરલ 

આ વીડિયોમાં એક વૃદ્ધ મહિલા ટ્રેક ક્રોસ કરીને પ્લેટફોર્મ પર ચઢવાનો પ્રયાસ કરતી જોવા મળે છે. ત્યારે ત્યાં પ્લેટફોર્મ પર ઊભેલા એક આરપીએફ જવાનોની નજર પાછળથી ઝડપથી આવતી ટ્રેન પર પડે છે. તે પહેલા અવાજ ઉઠાવીને મહિલાને રોકવાનો પ્રયાસ કરે છે અને પછી તરત જ પ્લેટફોર્મ પર સૂઈને મહિલાને પોતાની તરફ ખેંચે છે. આમાં, ટ્રેન ખૂબ જ ઝડપે પાછળથી પસાર થાય છે.

માત્ર એક જ સેકન્ડથી ટ્રેન નીચે મરતા મરતા બચ્યા વૃદ્ધા

આ વીડિયો જોઈને લાગે છે કે, જો એક સેકન્ડનો પણ વિલંબ થયો હોત તો મહિલાનું મોત નિશ્ચિત હતું. જો કે, આરપીએફ જવાનની તત્પરતાને કારણે, તેણી મૃત્યુથી બચી ગઈ હતી. આ ઘટના ત્યાંના રેલ્વે સ્ટેશન પર લાગેલા સીટીટીવી કેમેરામાં કેદ થઈ ગઈ હતી.

 

In a courageous move,
Head Constable Kamlesh Kumar Dubey risked own his life and saved an elderly woman from being run over by an approaching train at the Lalitpur Railway Station.#WATCH & #Learn
Passengers are requested to #StayOffTheTracks@RailMinIndia @AshwiniVaishnaw pic.twitter.com/JugRCJLjdx

— RPF INDIA (@RPF_INDIA) June 18, 2022

રેલ્વે પોલીસ ફોર્સે ટ્વીટ કરી શું કહ્યું ? 

રેલ્વે પોલીસ ફોર્સે ટ્વીટ કરી હતી. વીડિયો શેર કરતાં RPFએ લખ્યું, 'હિંમતભર્યું પગલું, લલિતપુર રેલ્વે સ્ટેશન પર, હેડ કોન્સ્ટેબલ કમલેશ કુમાર દુબેએ પોતાનો જીવ જોખમમાં મૂકીને એક વૃદ્ધ મહિલાને ટ્રેનની અડફેટે આવતી બચાવી લીધી.'